ما أصدق ˆ

أنا ما عدت اصدق
إن في الدنيا وفا
تخونني ذيك العيون
ويخونني القلب الحنون
ايديني تسقيك الدفا
وايديك حرمان وجفا
كيف الهوى صار انتحار
وكيف أوراق العمر
تشتعل حسرة ونار
حتى نفحات العطر
صارت في غدرك غبار
قلبي اللي ياما أهداك الربيع
ليه خليته يضيع ؟
تدري اني ياما برموشي حضنتك
وان غفت عينك باحلامي سهرتك
وان توانيت بوصالي انتظرتك
كيف تتركني وحيده
بين أمواج البحر
كيف ترميني حزينه
بين أفراح البشر
ليه تسقي الناس حبك
وآنا أظما . لاسحاب ولا مطر
كانت ايامك اهازيج وسفر
ليه ترحل ؟
بعدك ارضي أقفرت
لاربيع ولاطيور ولا زهر
آه يا قسوة ضميرك
يا للي أهديتك خفوقي
وانت بأيامي تسلّى
هذا ردك ؟
أستحقه . ما حسبت حساب غدرك
شوف هالأرض اش كبرها
أوصل اقصى برها
وأوصل اقصى بحرها
وجرب الدنيا وبشرها
وشف ديونك وش كثرها ؟
آنا ديني ينقضي
لما تتجرع من الدنيا كدرها
لما راسك ينحني
لما تبلاك الليالي بحزنها
أنا ما عدت اصدق
إن في الدنيا وفا
ماأصدق......