ما بعد الهروب قصة باجزاء

انت جبان
انتي اكثر وحده تعرف الظروف
أي ظروف هذي تخليك تعلقني 5 سنوات
يا ريم الي يحب يصبر
5 سنوات
و شفيها يعني 5 سنوات
انا بنت با احمد مو ريال السنه بعمري يعني عشر سنوات حجي بحلوج الناس ليش ما تفهم !!
كلام ناس لا يودي ولا اييب
طبعاً لان هالحجي هذا مو قاعد يحوشك و الريال بالديره شايل عيبه
هذا حجي قديم
احمد سواء حجي قديم ولا لأ هذا اسمي و شرفي الي بخطر انت عارف شقاعد يفكرون فيه لما يقولون صار عمرها 27 وللحين في بيت اهلها ؟ اكيد انها مو سيده ولا فيها عيب و لا مصيبه سوده !!
ريم من اول يوم عرفتج فيه قلت لج نطري و انتي وافقتي مو على اخر شي تهديني و تكسرين الاتفاق !
طيب قولي شلون اصرف هالخطاب الي يايين
جذي السالفه عيل
أي سالفه؟
قولي ان في خطاب وانتي عاجبج هذا الي متقدم تدورين أي شي علشان تقطعين علاقتج فيني مو جذي
غلطان !
لا مو غطان شمعنى الحين بس التفتي حق عمرج وقمتِ تحاسبيني على التأخير
انت غبي
احترمي نفسج
احمد انا ما نطرت هالسنين و كلام الناس و نظرات اهلي علشان ابيعك بعدين و اتزوج
على منو هالحجي
انت شفيك
انتي الي شفيج علبالج انا حمار ولا ياهل ينقص علي لا يا ريم مو انا الي تلعبين فيه
انت تدري شقاعد تقول !
حلوه هالتمثيليه بس يا ريم راح تدفعين ثمنها غالي
انت مينون
انا مينون لو بصدق كلامج و اقول انج ما تعرفينه انا مينون لو اني اقول انج ما كنتي تعرفينه ولا لج علاقه وياه انا مينون لو صبرت ثانيه مع وحده غشاشه و خاينه مثلج
احمد انت معصب
لا حبيبتي ما كنت اهدا من اليوم بس ما كنت اتصور ان بيصير فيني جذي انا يا ريم تقطيني بعد هالعمر علشان واحد ثاني !
انت شارب شي
جب ! منو انتي علشان تكلميني
انا حبيبتك
تخسين
احمد
ويعه لا تييبين اسمي على لسانج الوصخ الحقيقة كانت لازم تبين من زمان شلون قدرتي تخدعيني كل هالفتره
احمد شفيك انت مو طبيعي
خلاص ريم كل من يروح بطريجه
لا
حسافه كل لحظه قضيتها وياج
لا احمد
راح اطرش لج الهدايا و صورج و رسايلج مع السايق باجر الصبح
اسمعني
]تعبت وانا اسمع بس خلاص ما فيني بعد
احمد
طوط .. طوط .. طوط
القصة هاذي ناقلتها من منتدسات الشبكة الكبري للحوار التفاعلي
من الاخت الشقراء الكويتيه