متزوجه وجاهله اغلب امور الزواج

اولا ماعليك من كلام الناس الي لايودي ولايجيب انا بعد مثلك بحرينيه وتزوجت من السعوديه وكلام الناس مايخلص قامو يقولوون مومن بلدها ولابنفس جنسيتها وكذي يعني انتي ماعليك من احد ولاتهتمتي براي احد وثانيا انتي اهتمي بزواجك وشوفي الريال يحب المره الي تهتم يعني حاولي تسولفين معاه بحياتكم وش راح تسون وين تسافرون شهر العسل وش راح تجيبون عيال وش اسماءهم يعني هيك قولي له وش تحب تاكل حسسي ان مهتمه فيه ودلعيه وكل كلمة قولي له حبيبي عمري عودي نفسش على هالكلام وانش دوم محتاجه لش ودايم واحشنش وتبين تشوفينه وتكشخي له اذا جا لش وجهزي نفس للزواج ودائما كوني مبتسمه تضجكين واذا زعلش بحاجه طنشي اذا تافه الشي عشان لاتكبر المشاكل ولاتدخلين احد بحياتكم الزوجيه حق يحل مشاكلكم حاولي تتفهمين اسلوبه وكيف يفكر حق تسيرين ورا تفكيره وتنجحين انتي بنفسش تقدرين تشكلين زوجش وشلون تخلينه مايقدر يستغنى عنش

بحرانية مجروحة
الله يوفقك يارب ويسخر لك زوجك

موفقة حبيبتي ... والف مبروك الزواج ...

شوفي ياحلوه حاولي انك تهتمي بيه بس مو مره عشان مايقول هذي ماتستحي اهم شي انك تبينين انك مهتمه بيه وتساليه عن احواله واش الشي اللي يحبه عشان تسويه سواءًمن الاكل او في نفسك
وبعدين لو قلك مره ثانيه هذا الكلام قوليله انك مره مستحيه منه عشان لسه ماتعودت عليك وانك اول مره تكلمي رجال غريب عنك وماعمرك جلست مع رجال الا من اهلك المهم بيني انك مستحيه بس مو مره عشان مايطفش

musk
الله يبارك فيك وعقبال باقي بنات المسلمين

قمر والنعم
مشكوره ياقلبي الله يوفقك ويسخر لك

انا من رايي انك تهتمين فيه مو هو الحين زوجك مفروضا تدقين عليه لصحينه للدوام وتقولينه اشتقت لك بين فتره وفتره لاتنامين الين تسمعين صوته
واهم شي عشان تستمر حياتكم انك تفهمين زوجك وش يبي منك عشان تكونين عارفه
اتمنى اني افدنك

طالبه في مدرسة زوجي
مشكوره يااقلبي الله يسخرلك زوجك
بس انا استحي لو فتح مواضيع خاصه شوي
مثل وشلون تدلعيني اذا جيتي عندي ومن هالكلام

على حسب عاداتكم، عندنا في نجد غالبا ما نتكلم في العلاقة إياها، و اذا تجرأ الخطيب و تكلم ما يعتب ان البنت ما تشاركه و تسكت، لكن اشوف بنات المناطق الثانية.. عادي حتى قبل حفلة الزواج انهم يتعمقون شوي في علاقتهم (الجسدية اقصد) فكيف بالكلام بس