متقصقف

انا بعطيك خلطتي الي ما استغني عنها
موزه مستويه وزيت لوز للشعر و ملعقتين عسل و ملعقتين بن محمصه و زيت زيتون و زيت ذره
كمية الزيوت على حسب طول الشعر
اضربيهم بالخلاط حتى يصبح شكل الخليط سميك يشبه البودينج و حطيها فشعرك مثل طريقة الحنه
الجذور اول بعدين تكملي على الباقي ساعتين واغسليه ( انا استخدم شامبو اطفال عشانه خفيف على الشعر )
بتشوفين افرق من اول مره حيويه ولمعه والتقصف يخف بشكل ملحوظ من غير النعومه.

مراحب الافضل انك تروحي لاخصائية علشان احيانا بعض مشاكل الشعر تكون من الداخل ا ما سوء تغذية او نقص فتمينات وامثال هذه المشاكل ما ينفع فيها الوصفات لازم التشخيص الصحيح اولا وكحل سريع استخدمي زيت الخروع وخففيه باي زيت ثاني لانه ثقيل وايضا الموز والافكادو ممتاز
هذا من وجهة نظري
والله يبلغك مرادك

الله يخليلج شعرج ويبعدعنه العين
حبيبتي لماتاخذين شاور لا تغسلين راسج بماي حار خليه فاتر و بعد ماتخلصين بطلي عليه ماي بارد يخليه يلمع
و قللي السشوار ترا يقتل الشعر و خليه في المناسبات بس
و بالنسبة للاطراف قصيها لئن التقصف اذا سكتي عنه ممكن يوصل لنص الشعرة و بالنهاية تشوفين شعرج نصه طويل و نصه قصير>> شعري صار جذي و اظطريت اقصه لحد الرقبة
و حاولي ماتخلينه مفلول لئن الشعر الطويل يتاثر بالغبار و الحرارة و الاحتكاك بالملابس فيساعد على تقصفه>> حاولي ترفعينه احسن
و بعد لاتربطين شعرج و اهو للحين مبلول خليه ينشف في الهوا و بعدين ربطيه و عشان ماينفش مسحيه بزيت او كريم>> لئن ربط الشعر و هو مبلول يساعد هم في تقصفه و تساقطه لئن البصيلات تكون ظعيفه
و اعتني في شعرج اكثر لانه طويل يعني داومي على الزيوت و الماسكات مثل ماقالو الافوكادو او الموز حلوين للشعر و استخدمي زيوت زينة مثل الخروع الحلبة الثوم و زيت اللوز الحلو يجن للشعر و ريحته حلوة
و انشالله يتحسن شعرج

أختي انتي في القصيم يعني سهل تحصلي الزيت الي راح اقولك عليه
فيه زيت عند الرسيني للعطارة اسمه زيت مقوي للشعر
اذا تبعين مكان المحل ارسلي لي رساله وقولك لا محلات الرسيني كثيرة عندنا في بريدة والزيت بس بمحل واحد
صدقين هذا الزيت استعملته مرة حلو هذا غير عن البنات الي اعرفهم كانو قبلي يستخدمونه

الله يعطيكن الصحه والعافيه يااحلى فراشاةوالله ماقصرتن
وان شاء الله ابسوي كل الي قلتنه لي................................................ .............................
حبيبتي كيرلي ممكن تقو لين لي اسم المحل.....................؟

كيرلي
حبيبتي ممكن التفاصيل عن الزيت.وبس موجود في هالمحل؟؟

افضل طريقة وموجود بين ايدينا هو زيت الزيتون لمنع التقصف ...الطريقة ...تمسكين طرف شعركى من تحت وتحطين على نفس الشعرة الامتقصفة مو على شعركى كله وبس ترانى دايمن اسويها نهايت كل اسبوع الاربعاء