متى الفرج بيحين

السلام عليكم ورحمة الله وبركاته
يارب تكونون بأتم الصحة والعافية
خواتي بنات البيت وبنات القسم وبنات المنتدى كافة
فيني من الضيق نفس اللي فيكم وعندي من الأسئلة ماتسألها كل بنت في ضميرها وبينها وبين نفسها
بنات صدري ضايق ضاآآآآآآآيق حيل مزاجي منقلب وهمي في إزدياد وقلبي من الضيق إنتهى
أبغى أسأل متى نصر الله يابنات متى فرج ربي يحين متى هالهم ينزاح
تضيق هالضروف وتضيق وتضيق ونقول هالضيق هو اللي بيسبق الفرج
ينتهي بعض الضيق والهم ما أنفرج
ونستبشر ونقول هاللحين بيحين الفرج تمر الأيام وتمر وتضيع البشاير وتصير أوهام وأحلام
كل هذي الضروف صح تزيدني هم لكنها مع كذا تزيدني ثقة بالله لأني أدري إن الفرج جاي
لكن متى؟
يابنات أنا ما أدور إلا لفرج من الله لأني واثقه إن مافي فرج إلا منه تعالى
ومافي فرح إلا منه تعالى وهالفرج واثقه فيه إنه جاي لكن سؤالي متى؟؟
هالكلام يا صبايا من تعب ولا تفكرون إنه من قنوط معاذ الله
فاللي تفهم موضوعي بالغلط رجاءاً لا ترد
ياالله ماسوينا شيء إلا لقربك وطلب عفوك وفرجك
وكل هالضروف تزيدنا مع الحزن قوة إيمان ويآآآآآآآآآآرب لطفك بي وبهذا التعب
دعواتي لكم من كل قلبي
يكتب لكم ربي الخير وين مايكون ويرضيكم فيه
اللي بقلبها مثل هالتعب تردد هالأية من قلب
نرفع بها كلمة حق منه تعالى بأصدق كتاب وبأصدق لسان
قال تعالى:
"متى نصر الله الا إن نصر الله قريب"