مجرد ثرثرة قلب أحتآج إلى قلوبكم ودعواتكم

السلام عليكم ورحمة الله وبركاته ..
صبآحكم / ومسائكم حُب وسعآدة وراحة بال يآرب ..
فراشاتي فتحت الموضوع وأنا مو عارفه بالضبط وش اللي ابغى احكيه لكم
بس حاسه روحي إني محتاجه أحكي أفضفض
كانت ملكتي بشهر سبعه وزواجي باقي ماتحدد موعده بس على كلامه بشهر سبعه الصيف الجاي
ومن يوم الملكه لليوم وأنا أبكي أنام وأنا أبكي أصحى وأنا أبكي
مو عارفه اش فيني بالضبط ولا وش اللي ابيه
أحس اني شايله هم الزواج وخايفه منه وما قدرت أحب خطيبي رغم انه طيب ويزورني
بس أحس اني أكرهه ما اعرف ليش
أمي وأبوي بس يهزئون فيني اش فيك وليش كذا وكأنك بعزاء والكل قاعد يلوم فيني
وأنا وربي موب بيدي أحس اني متضايقه وواصله حدي
حبيباتي تكفون طلبتكم ورجيتكم اللي تدخل تدعي إنه يتأجل زواجي لصيف 1435ه
لأني ألحين والله ما أقدر نفسيتي زفت + شكلي زفت
أعرف باقي فيه وقت بس أحس فيه أشياء لازم اسويها بحياتي ويبغالها وقت ولازم أنهيها قبل الزواج
رجيتكم حبيباتي اللي تدخل بس ترفع يدها وتدعي
إن الله يسعدني ويشرح صدري وييسر أمري ويجعل زواجي يتأجل لصيف 1435ه
لاتقولون مستحيل لا ان شاء الله يارب مأمله أخوانه يملكون ويجلسون سنتين وثلاث
بس تكفون ادعوا لأن دعوة المسلم لأخيه المسلم في ظهر الغيب مستجابه ويمكن تكون منكم وحده دعوتها مستجابه
وربي يسعد كل وحده معانا هنا ويفرج هم كل مهمومه ويصلح حالها يارب
ودي ودعوة من قلبي لكل وحده مرت من هنا ربي تحقق كل أمنيه تتمناها