مجرد فضفضة لا غير اخت زوجي

بنات انا احب اهل زوجي الحمد لله وامو زي العسل واخواتو كمان .اخواتو اكبر منو وحدة مره كبيرة كدا يعني في نهاية الاربعين والتانية في التلاتين والتالتة وهيا هادي مشكلتي عمرها في العشرينات اكبر مني بتلاتة سنين ومهي متزوجة..الله يشفيها مريضة عندها كهربة في راسها وتاخد ادوية
بس دايما لما اتكلم تقولي بطلي دلع ولا تدلعي وانتي كبرتي وعنك بزورة ولا تتكلمي كدة ..انا مرة اتنرفز منها واسكت عشان هيا مرة حساسة ولو احد قلها كلمة كدا ولا كدا تزعل وتجيها النوبة بس اش اعمل انا كدا طبعي ما اقدر اتغير ..يعني بلله كيف تبغاني اتكلم ؟ عشاني ام ومتزوجة كيف اتكلم؟ والله مني فاهمة !!!!!!!!!!!!
وتقولي لما تتكلمي لا تحركي جسمك شككتني فنفسي سرت اقول وي ليكون قاعدة ارقص وانا اتكلم ولا ايش؟؟
دايما تقلي لا تدلعي لا تدلعي
بس الحمد لله دايما الكل يقلي خليكي زي ما انتي وصحباتي ما قد علقو عليا كدا....بلعكس حتى خالي دايما يقول لماما هادي البنت تجنن ودلوعة <<<<<<قصدو انا
انقهر لما تقولها قدام بنات اختها هما في سننا ويقولولها حرام عليكي ياخالة وهما يقولولي سبيكي منها...
بس كيف اخليها تبطل تقولي دا الكلام ؟؟
انا مرة قلتلها انو كل انسان ولو اسلوبو وشخصيتو ولا انتي ولا انا نقدر نغير في بعض صح ولا لاء؟ سكتت
ورجعت لموالها تاني..