مجسم بركان

وينكم بافراشات

استغفر اللة العظيم واتوب الية

مرحبا غصات ام
عندي فكرة وان شاء الله تعجبك
جيبي ورق جرايد وغراء ابيض وعلبة ( علبة حليب مثلا )
الطريقة :
قطعي الجرايد قطع صغيرة واذا خلصتي من التقطيع صبي عليها موية حارة
وخليها في الموية الين الموية تصير باردة يعني ساعة ساعتين عشان تلين الجرايد
وبعدين طلعي الجرايد من الموية واعصري الجرايد بيدك
واعجنيها بالغراء
مو لازم تكثرين بس المهم يكون فيه غرا
وبعدين خذي كمية بسيط وحطيها على العلبة من برا
وغطي العلبة بالكامل
بس من تحت عرضيه عشان يصير مثل الجبل
ومن فوق كوري بيدك قطع صغيرة ولصقيها على الفوهة كانها حجار
اتاكدي انه متماسك واذا شاكة خذي الغراء بيدك وامسحيه على كامل المجسم بعد ما تخلصين
واذا نشف بخيه ببخاخ بني او لوينيه اذا عندك الوان
ومن فوق خليه احمر
بس ترى يحتاج وقت لينشف
والله يسهل امرك ان شاء الله ويضبط معاك
ودعواتك لي
واذا عندك سؤال اسالي

اللة يفرج لك ياعصبية دنيا واخرة قولي امين بس حبيت اسالك الغراء الابيض لة اسم معين ولا اي نوع عادي وعلبة النيدو وشلون اثبتها بالقاعدة وشش افضل القاعدة تكون خشب ولا فلين اللة يرزقك ماتتمنين واللة انك فرجتي لي يالغالية

كذا اسمه الغرا الابيض يباع في المكتبات
او غراء خشب كله نفس الشي وكله ينباع في المكتبات
يجيك لونه ابيض ثقيل واحيانا خفيف بس الاغلب ثقيل وهو الافضل
وافضل شي الفلين لانها خفيفة على الولد لما يشيلها
وثبتيها بغرا مسدس واذ ما عندك حطي العلبة على الفلين بدون تثبيت
واذا بديتي تحطين الجرايد حطيه من تحت مرة يعني على الفلين والعلبة
اتمنى من قلبي ان الفكرة وصلت
واذا عندك سؤال وربي عادي

معليش ياعصبية لهيت مع ولدي شوي اللة يعطيك الاجر والعافية وربي ماقصرتي وفكرتك وضحت ياقلبي وبنفذها باذن اللة بيض اللة وجهك وعلى فكرة كلك ذوق وذرابة لية مسمية عصبية تراة اسم على غير مسمى اكرر شكري لك يالغالية

استغفر اللة واتوب الية

الله يكون بعونك اختى

وربي ماعندي فكرة لكن الأخت عصبية فيها الخير كفت ووفت أتمنى لك التوفيق بعمل المجسم ...