مجموعتي القصصية مها وفيصل في القفص الذهبي

0000
***************************
*****************
********************
نستكمل000قصص مها وفيصل000
0000
في يوم من الأيام00وتحت ظلال الزيزفون000وخريرماء النهر0000والجبال
المكسوة بالجليد الأبيض000( ناقصنا كوخ وقطيع غنم ونصير بقصة هايدي)
ههه!!!!!!!
نرجع للموضوع00كان فيصل معزوم في مناسبة000وخرج من غير أن يودعها00
فضاقت بمها الوسيعة000
واتصلت بجارتها (لطيفة) والتي لاتخلو من اللطافة وطلبت منها انها تجيها بسرعة عشان تلطف لها الجو (ترى لطيفة حرمة لاتحسبونها معطر جو!!) لأنها فعلا متضايقة من فيصل
00000
0000000 وطقت لطيفة الصدر وقالت:
انا لها يابعد عمري000
وجاءت لطيفة بالفعل لتزور مها000 ولكن مها استقبلتها بنظرات مكتئبة000
لطيفة:مهاوي000وشفيك وأنا أختك؟!
مها:مدري00 أخاف أحكي00وأزيد أبكي!!
لطيفة:سامعتها هالأغنية من قبل!!بس مدري وين!!!
مها:لطيفة أنا ماأمزح000نفسيتي تعبانة!!!
لطيفة: وش منه؟!
مها: من فصيل 00هو فيه غيره!!!
لطيفة:افا يالعلم000لايكون يخونك
بس؟!
مها:لا00الشر بره وبعيد000
لطيفة:أجل بيتزوج عليك؟!
مها:اعوذ بالله من سوالفك00!!!لا أعرفه مايسويها00
لطيفة: الحمدلله ريحتيني مادام لايخون
ولا متزوج000فإنتي في نعمة!!!
مها:بس أحسه جاف بالمشاعر00مرة!
لطيفة:ادهنيه بزيت وسيصبح رطباً!!!!
مها: يالطيفة منتي فاهمتني00
نفسي بعواطف وحنان000
لطيفة:والله ياحبيبتي عواطف وحنان تدلين أرقامهم اتصلي واعزميهم!!
مها:لطيفة خلك من التطنز00أبي رومانسية وحركات وتضحيات عشان أتأكد من حبه لي!!
لطيفة:واويلاه, قايلة لك قبل احذفي قناة mbc4 ماتسمعين!!!
مها:وشفيك يالطيفة ناديتك تعطرين الجو مو تبخريني بخبالك!!!
لطيفة:وشسوي فيك؟!كلامك كله طلاسم00ومدري ليش مكبرة الموضوع
وش عاجبك بذا الفيصل؟!الفارس المقنع!!!باللي مايرده!!
مها:لاتقولين عنه كذا ترى أنا أدعي على زوجي وأكره اللي يقول اميين!!!!
لطيفة:أقول لايكثر هرجك بس00إن الله لايغير مابقوم حتى يغيروا من أنفسهم!!!!!
مها: وش قصدك جبتك عون صرتي فرعون؟!!!!!!!
لطيفة:ها!!أجل أمدحك ونتي ماتسوين
يالقطوة!!
مها:لطيفة أقول لك شي وماتزعلين؟!!
لطيفة:سمي000
مها: والله يامقابل وجه فيصل وهو يصارخ ويهزأ000أبرك عندي من مقابل
وجهك!!!
لطيفة:وأنا بأقول لك شي وأتمنى إنك تزعلين!!!!يحق له فيصل يخرج دايما ويترك لك البيت!!!
ولبست لطفوه عبايتها وراحت بيتها الله يستر علينا وعليها000
ومها تقول في نفسها( الله لايسامحك
يالطوف00قبل ماتجين كنت احس الماي مقطوع عني بس000اما هالحين
قطعتي عني الماي والنور والكهرباء00
الله يهديك يايمه شكلك داعيتن علي
بدعوة قوية)
وش رايكم000قطعت قلبي ذي المره
0000000
0000ماكأني أنا اللي صنعتها من وحي الخاطر000!!!
00000000000000000000000000000

000000000 للرومانسية دور مهم في تلطيف الحياة الزوجية ولكي تصبحي فنانة في ذلك تابعي معي قصة فيصل ومها!!!!!!!
000في000000000يوم من الأيام00كانت مها بتطق من الزهق00وكان فيصل في المستشفى في زيارة لأحد ربعه المرضى000
وراحت مها كعادتها وأرسلت له هذا المسج:
في بعادك00 قلبي يشتاق ويحن
من تفارق00وجهي يكسيه الحزن
طبعا الادمي قاعد وسط الناس قرأ الرسالة وماله مزاج يألف لها ابيات000
ومجبور يرد و لا بتسويها له سالفة!!!
فرد بذي الرسالة:
ياالمها أنا بعدي حي مامت!!00لا مت احزني!!
ومها00يوم قرأت رسالته
قالت بنفسها مايخالف يافصيل00بأجننك بمشاعري الفياضة! وتروح الخفيفة وترسل وحدة ثانية كتبت فيها:
جعل يومي قبل يومك
ياعسى عمرك طويل
لو ألوم نفسي ماالومك
إنت غالي عندي حيل!
قراها فيصل ورد عليها
برسالة غريبة عجيبة000
للإعلان عن عقارك00جريدة الوسيط بانتظارك قيمة الرسالة5ريال000
مها مافهمت وقالت لنفسها وش فيه يرد برسالة مالها علاقة بأتصل أسأله000اتصلت ورد عليها وقال لها:بسرعة بسرعة قولي اللي عندك ترى غرفة الرجال مليانة زوار00
مها:لا بس بغيت أسألك وش علاقة ردك برسالتي؟!!!
فيصل: وش اسوي لك زهقتيني00لو ماأرد عليك بتفضحيني00وان جيت ارد مالي مزاج00رجعت فتحت جوالي وقلت اجدد رسالة وصلتني بأرسل لها لك وأريح نفسي فما لقيت قدامي الا رسالة جريدة الوسيط000وأرسلتها!!!!!!!!!! ( تسلملي يافيصل لا000كريم الولد ذا كل ماأخذ أعطى)
مها:لاياشيخ00 ويلوموني لاحبيتك000!!!
فيصل بهمس : والله انك وحدة فاضية000مع السلامة000طوط قفل السكة!!!
مها:الشرهة مو عليك على اللي يرسل لك والله!!! ### (تكفيين ياشيخة!!00ومن حلف عليك ترسلين شي)ههه
المهم بماانها مقهورة قالت :والله لاأرسل اخر رسالة000وارسلت
تم تشخيص حالتك ووجدت انك تعاني من:
1-جفاف بالمشاعر
2-خفة في العقل
3-ثقل في الدم
4-تبلد في الإحساس
5-برودة في الأعصاب
6-طول في اللسان
7-قسوة في القلب
دعواتي لك بالشفاء العاجل!!!!!!!!!! لا قوية منك يامها000شكلها زعلت من جد!!
المهم ياحلوين يوم قراها فيصل قال بنفسه والله شكل المرة مطنقرة00الله يعيننا00لارجعت كيف بأراضيها000
00000
0000وبعد هنيهات من الزمن عاد ولد الناس إلى منزله000ليجد زوجته حاطتن اليد على الخد ومعبسة000
فقال ملطفا الجو:وش ذا يامها00اثاري كل هالأمراض فيني وأنا مدري00؟! لاتلوميني بس من صغري وأنا أكره الأدوية!!!!
مها(تنظر للتلفاز بصمت)
فيصل:والله زميلنا اللي كنا عنده يحزن الله يشافيه00عنده فشل كلوي00
مها(ايضا صامتة لاتنبس ببنت شفه!!)
فيصل:عندي فكرة وش رايك نعزم اخواني وحريمهم على العشا؟!
مها: ماشاء الله الحين هذا اللي طلع منك000؟!!
لازم تقطع ظهري بضيوفك؟!و0000
فيصل:هدي هدي يابنت الناس لا بأعزم أحد ولاشي000بس حبيت أستفزك عشان تنطقين ههه لعبت عليك!!!
مهابصوت فيه ريحة دموع:
نفسي أطلع00نفسي أشم هواء00نفسي أغير00 قعدة البيت جابت لي اكتئاب!!
فيصل:ياحبكم يالحريم لكثر الهذرة00كل جملك الطويلة العريضة تقدرين تختصرينها بكلمتين فقط
أبغى أخرج!!!!
مها:هذا إنت قلتها يافهيم
فيصل:ابشري00بس وين؟!!!أهلي اليوم بيروحون يعزون في بيت ال رداد000يقولون مات
أخو جدهم000ودك تروحين معهم؟!!
مها:خوش والله0أهنئك بصراحة على شهامتك00 خير من يدخل السرور على القلب إنت!!
أقول لك بأطق من الزهق 00بأتفتق من الطفش000بأنجلط من قعدة البيت00تقول لي روحي عزاء000لا ولناس ماقد شفتهم أبد00لا
وميتهم مات قبل شهر!!
فيصل:هاا وين تبغين تروحين أجل؟!
مها:لاياشيخ!!
تسألني00الحين انت لابغيت تطلع ماتخلي مكان بالديرة إلا وتفتر فيه!! بس لاقلت لك طلعني تضيق الأرض!!!
فيصل:أنا جوعان00سوي لي عشاء00وبعد مانتعشى00لاشفت فيني نشاط00أخذت بك لفة بالسيارة00!!!!
مها:حسبي الله على ابليسك!! خلصت المطاعم؟ 00جفت المشاعر؟ ماتقدر تدوس على قلبك شوي وتوديني مطعم أتسمم فيه؟!!!
فيصل:قولي من الصبح
إنك تبغين مطعم000مطعم مطعم00نروح للمطعم00 البسي عباتك ومشينا00
عاد مها بس درت انها بتخرج من البيت راح الزعل اللي فيها كله وصار شكلها كذا::
00000
0000000
0

0000للمتابعات يوميات فيصل ومها000
00000000نكمل الحلقة السابقة000
طبعا مها من فرحتها يوم وافق فيصل يوديها المطعم00توجهت للتسريحة فورا وتزبرقت بالمكياج والحق ينقال انها فنانة في وضع الميك اب باحتراف000
حتى انه بنات العيلة يحبون يتصلحون على إيدها00ولبست وتهندمت وصارت
واو0
وخرجت لتفاجيء فيصل اللي قاعد ينتظرها بالصالة00وقالت مها :فيصل
إش رايك؟؟!!
طبعا فيصل صار شكله كذا بس
كالعادة يكابر في تبيين مشاعره ولازم عنده من استفزازها بشتى الطرق!!!
00
وقال:ماشاء الله00وظفوك بالسيرك؟!!!
مها:حرام عليك لي وقت وأنا أتفنن وتاليتها تشبهني بالمهرجين؟!!
فيصل:يالله عاد00بلاش تأخير دانا عصافير بطني بتصوصو !!
0000
000000
00000وطبعا في السيارة ساد الصمت00والهدوء عم المكان000ومها مو شاغل بالها إلا سؤال واحد000ياترى اي مطعم بنروح له ؟!فيصل00نذل ويجي منه كل شي!!
لا لا يامها لاتظلمينه!!امكن بيوديك
مطعم صيني!!
000
0000
000000المهم وإذا بزينة الرجالة00فصولي00موقف قدام مطعم شعبي000اسمه حنكشة!!!( الحقيقة اسم فني000وواضح جدا مستوى الأكل اللي يقدمونه من الاسم!! )
000
000000 قال فيصل: ها00ياحلوة كبدة وكلاوي000و لا شوربة كوارع؟؟؟!!!
0000000 قالت مها:فيصل أنا قلبي مو مبرمج على تحمل الصدمات!!
000 فيصل:بلا دلع حلفت عليك تنزلين!
0000
00000 مها:أنا لو متزوجة إبليس بدالك أصرف لي!!!!
فيصل:مايجوز أخ يتزوج أخته!!!
مهابصوت يبكي:ردني البيت00ماأبغى أتكلم!!
فيصل يقهقه ويقول:صادوه!!
000يالهبلة أنا رجل ذويق00تهقين بأسيب مطاعم البلد000عشان أجيبك هنا؟!!!
لاتخافين عازمك بمكان ماراح تنسينه
طول حياتك!000
وبالفعل كمل طريقه وراح لشارع000؟000ووقف قدام ذاك المطعم الفخم ونزلوا00 وفتح لهم00مضيف المطعم الباب ودخلوا00وكان الجمال تنطق به كل أرجاء المحل لدرجة انه مها قالت:
ياه ماأحس نفسي إلا ببلاد برة !
0000
وحجزوا مكان وجلسوا000
وصار فيصل يتلفت يمنة ويسرة000
ومها00تدعي في نفسها(يارب بارب
يعبرني ويحس اني قاعدة قدامه)!!!
000000
وهو كالعادة ماخذ الحياة بروتين ممل
وبرود غريب
فراحت مها وقطعت لحظات الصمت وقالت:فيصل حط عينك بعيني!!
فيصل:ليش؟!
مها:انت بس طالعهم وقول لي اش شايف؟!
فيصل:ماني شايف شي 00ولاقصدك بداخل عينك شعرة؟!طبعا00كله من المسكرة اللي تارسة بها هالرموش!!!!
مها:لا00بداية مبشرة بالخير هذي!! 00000000

وقطع حديثهم00صوت الجرسون وهو
يقول:وت إز يورأوردر سير؟؟!
فيصل وهو يقلب عيونه في صفحات المنيو:مدري ماعندكم تشكيلة مشاوي يالحبيب؟!
الجرسون:سكيوزمي؟!!!!!!!
فيصل:أقول مها اش ودك تتعشين؟!
ردت مها موجهة كلامها للجرسون مباشرة:اي وونت تشيكن تبنياكي+تورتيلا باي فيجيتابلس+جرين سلاد بت بليز وذ اوت شوجر أور سبايسي!!!!
فيصل يتنحنح:اعقبي يابنت اثاريك منتي بسهلة!!
والتفت للجرسون وقال:اي وونت دجاج كايجن مع وايت رايس مع فرينش فرايز
وسلطة كوكتيل00
وسجل الجرسون طلباتهم وعطاهم مقفاه!!
وفيصل ماغير يتلفت ذات اليمين وذات الشمال00فبادرت مها بالكلام كعادتها لأنها لو تطاوعه ماأخذت منه حق ولا باطل !وقالت:
فيصل00تتذكر00أيام خطوبتنا؟!
رد فيصل بسخرية:اه00تقصدين أيام ماكنت أهبل؟!
مها:الحقيقة إنت مازلت!!بس إش علاقة كلامك هذا بسؤالي؟!!!
فيصل:لأنه لو يعود الزمان لا كنت بأفكر ألف مرة قبل أتزوج!!! (يموت الولد ذا بالتحطيم00فيه عرق نذالة نشيط الحركة)!!!
مها:أقول الله يعدي الليلة ذي على خير:_:!
فيصل:كأني أشم ريحة زعل!!وراك قلبتي وجهك يابنت الناس00يعني حرام نمزح؟!!!!
مها:ايه يحق لي أزعل00أنا ماصدقت اطلع من البيت ونفسي أستانس واقضي ليلة مختلفة كلها حب ورومانسية وذكريات حلوة00وانت أحر ماعندي ابرد ماعندك!!!
فيصل:لا00لا ياعسل ظلمتيني أنا ناوي الليلة أعشيك حب ومشاعر دافية انتي بس تدللي!!! ( غريبة00ماظنتي!)
مها( وهي طبعا كالعادة خفيفة وصدّاقة) :زين00
فيصل نفسي أسمع منك كلمة حلو تهزني حيل00
فيصل:زلزال!!!!
مها:لاتستهبل!!أقصد كلمة تأسرني!!
فيصل:سجن!!
مها:ياشينك!!!أبغى أسمع منك كلمة تداعب مشاعري00 تقشعرني00!!( شوفوا الطلب بس)!!!!!!!!
فيصل:صرصار!!
مها:تراني ماسكة أعصابي عنك وعندي أمل فيك000ياخي أبي كلام يحسسني بالأمان!!
فيصل:الشرطة في خدمة الشعب!!
مها:لا000لا كلام يحسسني بالدفء0
فيصل: بطانية!!!
مها:لاتبط كبدي00ماني قاعدة اقول ألغاز00أبي كلام فيه حنان!!!
فيصل:ياوليدي أنا أمك!!!!!!!
مها:اش ثقالة الطينة والمخ التخين ذا؟!!شلون نجحوك بالابتدائي بالرشوة؟!!
فيصل:ههه00والله يابنت بدت عشرتي تأثر فيك وتاخذين خفة الدم مني!!( امحق من خفة)!!!!!
مها:يافيصل لاتخرب هالقعدة الحلوة بالاستهبال00انا في وادي وانت في وادي00شوف شوف مثلا الرجال وزوجته اللي قاعدين هناك بالزاوية0
فيصل:ايه وشفيهم؟!
مها:شايف شلون ماسك إيد زوجته ويضحك لها 00إنت وش بينقص منك لو سويت مثله؟!!!!
فيصل:وتهقين لو أروح أمسك إيدها زوجها مابيصكني بذاك الكف؟!!!!! (عجيب هالفصيل في الاستهبال!!)
مها:ياخي إنت ماتستحي؟!وربي اني حاسة بقنبلة موقوتة بداخلي وممكن تنفجربأي لحظة!!
فيصل:تكفين امسكي نفسك لاتنفجرين00لايحطون صورنا بالجرايد بكرة ويكتبون تحتها القبض على شخصين من الفئة الضالة!!!!!!
مها فكتها بكوة وقعدت تصيح وتقول:
حرام عليك ياشيخ انا جاية هنا وكل املي أنبسط وأفرفش00وانت بس ترفع ضغطي بسوالفك كأنك مستكثر علي؟!!
فيصل:وشفيك يامها لاتمصخينها عاد أنا أول مرة أشوف وحدة زوجها يمزح معها وتقعد تبكي!!بس ماعليك بأقول لك نكت توسع صدرك00اسمعي اسمعي هذي
000 يقولون الله يسلمك فيه واحد كان متزوج له خمس سنين ويوم من الأيام دخلت عليه زوجته وهو ماسك عقد الزواج ويتأمل فيه بقوة00فقالت له بدلع:واشفيك ياحبيبي تتأمل العقد كذا منت مصدق اننا صرنا لبعض؟؟!!!
رد الزوج:لا مصدق،بس قاعد أدور تاريخ الانتهاء000(كاك ويضحك)
مهاباستهزاء:ههه00بايخة!!!
فيصل:طيب00خذي خذي الثانية00
يقولون واحد زوجوه وحدة شينة
وراح صورها وهي عريانة بالجوال وقال لها:ها بتردين لي المهر ولا أنشر صورك بالنت!!!ههها ويضحك
مها بقهر:الصراحة هذي مو نكتة هذي مأساة00وماأستبعد إن اللي مسويها واحد من ربعك00كلكم أنذال أصلا!!!
فيصل:أفا وليش الغلط عاد!!
مها:وشهو الصح00كلها ساعتين اللي بنقعدها بالمطعم00اش بتخسر لا قلت لي كلمة حلوة؟لاتغزلت فيني؟لا قلت لي أحبك؟
فيصل:لأن الحب مو بالكلام يالخفيفة الحب بالأفعال!!! 0(لا00تعجبني حكمته الولد ذا)!!!!!!
مها:بلا أفعال بلا أسماء00ضيعت الليلة في مسخرة وخبال لو تروح تمثل مع عبدالناصر درويش أصرف لك!!!!!
وجا فيصل يرد ولكن الجرسون قطع الحديث عليهم وجاب الأكل ورصه على الطاولة000وسألهم ان كان يبغون أي خدمة ثانية وشكروه وبدأوا ياكلون بصمت000فاستغل فيصل الفرصة لأجل يطيب خاطرأختنا في الله وقال :مها شفتي التبنياكي كيف يتقلب بالصحن
000قلبي يتقلب مثله من زود حبك!!!
مها:شايف إنت هالسكين هذي؟!
بأحطها على رقبتك لو سمعت كلمة ثانية!!! (ياحليلها مها عجيبة يوم تعصب!!!)
وكمل الثنائي أكلهم000 وسألها فيصل ان كانت تبغى تحلي بعد الأكل00
بس ردت عليه من تحت أضراسها:
لا شكرا000السكر عندي ارتفع!!!
وخرجوا من المطعم000بصمت
وفي السيارة سألها فيصل بتودد:
اش رايك بهالسهرة ياعمري؟!
مها:سيئة بكل تفاصيلها مافيها شي زين إلا الأكل!!!!!!
فيصل:مشكورة جزاك الله خير000
وساد الصمت000الى ان وصلوا البيت
وبدلوا ملابسهم وفرشوا أسنانهم ورقدوا000
...................

0000000000
00000000000000
00000000
0000000بناءا على طلب اكثر الأخوات
جيت أسابق الريح وأكمل لكم يوميات
فيصل0000فصولي
ومها0000مهاوي!!!
000000 في يوم من الأيام ياسادة ياكرام000
جاء فيصل من الدوام000كالعادة ليفاجيء المدام000بأنه سيسافرعدة ايام0000بخصوص عمله00
قالت مها: ياي وناسة00 وين بنروح؟!
فيصل: قصدك وين أنا بأروح؟!!!
مها: وتتركني يافيصل
فيصل: وأنا عاد بأرميك في الشارع!بأوديك بيت أهلك000( تراهم بنفس الديرة)
0000000
00000عاد مها عاطفية فديتها قامت تدمع000
أما هو بيتشقق من الوناسة مو مصدق بالفكة0000!!! طبعكم يالرجال!!
وبالفعل من ثاني يوم وداها لأهلها وسافر00وهي محزنة وكلن يسألها واش فيك؟! مات لك أحد يابنت الناس!
وهي خانقتها العبرة ودها لو كانت معه
(صدق لاقالوا البس يحب خنّ اقه!!!!)
0000
000000
فقامت تتصل به 000وكان قافل الجوال
وبعدها بساعة00أرسل رسالة( وصلت ولله الحمد00واشبك تدقين كل شوي
انسيني ال كم يوم هذي شوي)!!!!!
0000
0000صدق انك مخمة ياهالرجال زوجتك مندلقة عليك00وإنت صاب اسمنت على مشاعرك!!!!
المهم000
مها خفيفة شوي بدل ماتضف وجهها وتقعد مع اهلها وتتونس معهم راحت تدز له مسج000
عاد وشنقول فيها امرأة تبحث عن النكد!!!!!!!
ارسلت له أبيات من تأليفها تقول فيها:
وكيف بأنسى00أحلى أيامي معاك
وذكرياتن 000000مرت بلمح البصر
وكل دقة بقلبي تشهد لي بغلاك
أوعدك ماأنساك ولو طال العمر
يحسدك حتى العسل من زودحلاك
ويستحي من نور حسنك القمر!!!
00000
00000
بعد هنيهة من الزمن تبرع بالرد على رسالتها وقال:
يالغثا وشفيك انتي ووش بلاك؟!
كاتمة وبقوة 000أنفاس الصدر
اركدي يابنت وصيري كالملاك
كلها كم يوم000 وبأرجع يالقهر!
وفري المسجات فواتيرك هلاك
من عرفتك 00وانا عايش بالفقر
000000000000000000000
0000000000000000000000000
00000000000000
أتعب أقول الولد ذا جاف يبغاله شامبو للشعر المتقصف!!!!!
بس تتوقعون عقب الكلام هذا بتتجرأ ترسل له شي؟؟؟؟؟؟؟؟؟؟؟
المهم:ترى جميع احداث القصة من اولاد افكاري ههه000بأشعارها وتفاصيلها !!
اتمنى تعجب بس! ]

نستكمل قصة مها وفيصل0000
كان ياماكان في عصرنا الان000زوجان محبان00ولكن يتهاوشان في كل لحظة وان000وإن واحد زعلان 00الثاني فرحان000
شتان مابينهما شتان000
فيصل طويل لسان00بس يحسب روحه غلبان000
ومها00طيبة ولكن 00لاتخلو من كيد النسوان!!
وفيه خسران000بس الربحان00مخلوق يسمونه شيطان!!!!!!
المهم مالكم بطول الهذرة000وراكم نوم وغداء وعشاء!!!!!!
بيوم من الأيام00صحت مها وزوجها بالدوام00نظفت البيت والمطبخ والحمام000وأخذت قسط من الاستحمام000وتضبطت وصارت تمام التمام
فقالت لنفسها يابنت دلعي نفسك اليوم بلا طبخ بلا هم وتغدي من برة
فدزت للمزيون مسج تقول فيه( حبيبتك
ماخذة اجازة اليوم من المطبخ00اش رايك تفاجئني بغدوة لذيذة)؟!
اتصل عليها على طول000وينافخ
اش هالخربطة اللي انتي راسلتها مافهمت شي؟؟ وهي بينها وبين نفسها تقول(والله لو بغيت تفهم كان
فهمت بس الحجرحجر ما يلين!!!!)
ردت عليه:انا ماخذة اجازة اليوم
فيصل:احلفي!براتب ولا بدون؟!
مها:وش فيها ياخي لاارتحت يوم من
الطبخ والنفخ؟!
فيصل:لأنه مايناسبك إلا هي!!مع السلامة باقي ساعة وارجع ويحلها حلال!!!!!وصك السماعة
مها على نياتها قالت يحلها حلال يعني بيجيب لي هذيك الأكلة المعتبرة!!
وانسدحت قدام التلفاز وأخذت تقلب في القنوات000إن شافت رقاصات هزت معهم00وإن لقيت مسرحية قهقهت عليها000وإن حطت أخبار غمضت عيونها وحالة عجب000الا شوي وجاء
فصولي000وراحت تستقبله بحفاوة
ووقعت عيناها على يديه الفارغتين
فانفطر قلبها نصين00وقالت فيصل أيها اللعين 00(امزح امزح هي تقدر تحط عينها بعينه اصلا)!00قال :نعم ياذات الجسد السمين000عاد هذي قالها من جد لأنه مستخف بها كعادته!!!!
قالت وين الغداء
قال:اسألي نفسك
مها:مو قلت لك ماني طابخة!
فيصل:وأنا ماني ماكل000لأني تغديت مع الربع في العمل!!
مها:طيب وأنا؟!!!!!
فيصل:صرفي نفسك يالحبيبة00ولا بأسألك انتي اش اكلتي من يوم ماصحيتي؟؟؟؟؟؟؟؟
مها: تصدق ولاشي
فيصل: طيب كويس00اصلا0مابقى الا كم ساعة عالمغرب كمليها صيام000واكسبي أجر00واخسري وزن000وعن اذنك بأروح أنام !!!!!!!
(أتعب أقول الولد ذا حمار00بس عاد
هي متعودة عليه وتعتبره من عجائب الدنيا السبع!!!)
مها:يالله بأروح اسوي ساندوتش واشرب شاي000
وش رايكم ماتحزن؟!!

؟؟؟؟؟؟؟؟؟؟؟؟؟

أضحكتني مقتطفات منها . .ولكن أكيد في هيك ناس بتتعامل ..الله يعافينا ..
بس هيك مو عيشة والله ,,,المشكلة انو يتحول لروتين ويسير شي عادي
مع عدم البحث عن الأسباب والحلول لها ..
المرأة انسانة حساسة مخلوق جميل بحاجة الى الكلمات الرقيقة منه فهذا يشعرها بالثقة والحب والود ..
ما خطته مخيلتك رائع بحق .. رماح ردينية ..بجد حلو كتير وعجبني ما شاء الله عنك ..