مجموعه بسيطه من أعمال أختي الفنيه حياكم

السلام عليكم و رحمة الله و بركاته
تحيه طيبه عطره موجهه لفراشات المنتدى الوقورات

لي فتره طويله مبتعده عن قسم المنزل
و بما إن هذا القسم هو عشقي الأول بالمنتدى
فأنا كل فتره أحب أنزل موضوع في هذا القسم
موضوعي اليوم يخص إختي الكبيره

هي مدرسه أحياء
و كانت منذ نعومة أظافرها تكره الأشغال اليدويه ... أو الأعمال الفنيه

عمري ماشفت غرى المسدس بيدها
تكره أي شيء يحتاج لتدخل يدوي ... ( شكلي بنذبح )
دائما طايره و عايشه عصر السرعه لنخاع ... ( يا ربي ... و الله بتستلمني إستلام )

المهم
جرى الزمن و عدى
و صارت مسؤوله عن النشاط ... و تقديم مشاريع فنيه للوزاره

طبعا طلعت المواهب ... ( هي و وجهها وين المواهب ذي لما كنت بالإبتدائي والمتوسط .. آآآخ يا أبله سويلمه فاتك شيء و شويات )

لما زرتها آخر مره و رتني أشغالها و كانت توريني الأعمال وهي عادي
كأنها توريني جريدة عكاظ

أنا فتحت فمي ....

أنا : بنت مين سوى ذا الأعمال ؟؟؟؟؟؟

أختي : أنا

أنا : من وين تعلمت هالشغلات ؟؟؟؟

أختي : من موقع فرنسي

طبعا قلت لها روعه
ما صدقت .... على بالها أجاملها
قلت لها راح أنزل بعض أعمالك في المنتدى ... و راح تصدقيني
عندك موهبه ... و راح تلقين تشجيع

أترككم مع الصور

طبعا الصوره الموضحه فوق هي علاقة مفاتيح

في الصوره اللي فوق إستخدمت الفلين الرول

الصوره السابقه إستخدمت ورق مقوى أبيض ... و بعدين لونته

الصوره السابقه إستخدمت ورق النحاس الخفيف ... له إسم بس للأسف نسيته

في الصوره السابقه إستخدمت القصدير

هذه الأشياء اللي صورتها
و فيه أشياء ثانيه بس الطالبات شاركوها فيها
يالله
عطوني رأيكم
عندها موهبه و لا لأ ؟؟؟
أستنى تفاعلكم على خير إن شاء الله
صلى الله و سلم على الحبيب محمد و على آله و صحبه أجمعين