محاضره للدكتوره اللي ما عندها شهادة دكتوراه ام البتول حصريا لهذا القسم الحزين تفضلن

سلام
كيفكم يا حلوات
كيفكم مع ازواجكم
اللي غثيث وما يطلع من البيت
واللي طالع اربع وعشرين ساعه واذا رجع البيت نام على قولة اخواتنا الفور كاتس ( برات البيت عامل لي عنتر وبيتمشى وبيتغندر عشيه كل ما بيجي عل البيت بيألي دخلك جسمي مكسر ) لا فض فوهم ههه
واللي خاين وعلى باله انك غافله
واللي غبي وعلى باله انه ذكي
واللي مسوي فيها فحل وما يدري انه مو داري عن شي
واللي يطالع في المقاطع المشفره الوسخه ومسوي فيها قدامك مؤدب وينتقد حتى قناة الام بي سي
واللي يغطيك من ساسك لا راسك علشان محد يقز فيك وهو ما بقى بنت في السوق الا قزها عيونه يسار يمين وماشي قدام مسوي فيها ما يطلع وماشي كأنه رجل آلي
واللي ماسك الريموت يطالع في المباريات وبرامج الحيوانات وانتي تطالعين في
التلفزيون بحسترك ودك تتابعين برنامجك المفضل وودك تكسرين الريموت براسه
واللي يتفلسف عليك ومسوي فيها شيخ يفتي وهذا حرام وهذا حلال وهو الله المستعان ههه
واللي واقف قدام المرايه يمدح نفسه وما يدري انه شاكوش (مو حلو)
واللي اصلع ويقول لك يا ليت شعرك طويل ليه كذا منتف
واللي كرشه كبير لا وبعد صدره طايح ويقولك ليه تغير جسمك (مايدري الشاكوش انه جسمه راح فيها بسبب الزط وانتي بسبب الحمل والولاده!!
واللي ضرسه يعوره وجالسه ينوح ولما تمرضين ما يفكر فيك
واللي تتأنقين و تتنمقين له ولا مريتي من عنده نطق الجدار من حلاتك والشاكوش(زوجك) ولا كأنك موجوده (قهر)
واللي اذا جلستي تطالعين في فيلم اجنبي ولما تجي لقطه مب زينه (اكيد انتي بتحولين القناه ) طبعا يقول انتي ليه تتفرجين على هذي الافلام عيب وهو لما يجلس لحاله طالع في اللي الشيطان يستحي يطالع فيها
خ
واللي جالس ياكل وفمه مفتوح وبصوت عالي وانتي ودك تدخلين الملاعق في فمه وتخيطينه علشان ترتاحين من الازعاج
واللي يشخر واذا قام سوا فيها رومنسي ههه
وفي النهايه اللي مالها نهايه والموضوع اللي مال امه داعي
ومدري وش يبي
ومن كثر ما ادخل هذا القسم واقرا المشاكل اللي تبكي واللي تافهه وما يطلق عليها مشكله
واللي تحزن
واللي واللي
كتب هذا الموضوع الفاضي للفاضيات مثلي والطفشانات واللي يبون يسولفون عن اي شي وبس
اي وحده عندها اضافه تجي تحطها هنا
وهي الايقونات تعبر عن حالة المتزوجات والتقلبات المناخيه اللي تجيهم بين الفينة والاخرى ( الفينة ههه)
وفي النهاية والختام صفقوا (لأم البتول) حفظها الله ورعاها لإلقائها هذه المحاضره الهادفه
سلم لم