محتاجة نصيحتكم الله يفرج همكم وهمي

بنات أنا عمري اربع وعشرين ولي سبع سنين متزوجة. كنت في بلد الغربة مع زوج مايستاهل قسم بالله تضحيتي عشانه. قصتي طويلة جدا مختصرها اني طالبة الخلع من زوجي لأنه مايخاف الله أبدا وخاانني وسرقني . والآن انا عند أهلي ورافض يطلقني . مشكلتي الآن اني مفتقدة ولدي كتيروحرمني منه . للمعلومية انا انصدمت من يوم تزوجته عرفت انه عندي ضعف جنسي شديد. بس ماقلت لاهلي وصبرت عشان ابني. ولاني من جد مو قادرة افضفض لاحد كتبت مشكلتي هنا. أنا أعاني من فراغ عاطفي مره . ومن غير ماأحس لقيت نفسي أتكلم مع رجل متزوج من عائلتنا اتعرفت عليه من احد مواقع التواصل الاجتماعي . شفته وشافني وكل واحد فينا معجب بالآخر. للعلم ماقد كلمته بالتلفون او قابلته. هو اكبر مني بكثير. لكن الرجل في نظري وسيم ووجدت فيه مالم أجده في زوجي.
لمن سالته عن زوجته في اول محادثة قالي انه منفصل عنها بنسبة 99% وانه اهله عارفين بالمشاكل اللي بينهم.
بما اني اصغر منه ب 12 سنة هو متمسك فيني مرره ويقولي لو حابة أكلم أخوك ترى بكلمه انو انا أبغى اتزوج أختك. مشكلتي غني مو عارفة الصح من الغلط . انا للآن مانفصلت عن زوجي .
ماأخفيكم أنا متعلقة بهذا الرجل جدا وحبيته . واتفقنا على كل شي . بس مشكلته انه اتزوج قبل هذي الحرمة اللي هو معاها وانا خايفة بصراحة يكون لعاب. هو يقولي انا مو مرتاح مع زوجتي ابدا ومو انا اللي اخترتها وانتي عاجبتني وانتي بنت عمي وأنا اولى من اي احد بيكي.
سؤالي انا اللي بسويه صح ؟؟؟ هو بيتقدملي بعد ماانفصل على طول. هو من بيئة منفتحة جدا وأنا لا
هو يقولي الثالثة ثابتة يعني قصده انه ماراح يدور غيري ويقول أنا كبير خلاص واعرف اش ابغى واش الصح.
أرجوكم ساعدوني أنا نفسيتي زفت كله من آثار الخيانة والصدمات اللي شفتها مع زوجي.