محتاجة نصيحتكم

1. السلام عليكم

السلام عليكم

اخباركم بنات ؟ بدون مقدمات ابغى اخد رايكم ضروري ضروري والله العظيم محتاجة نصايحكم انا اتعرفت على شخص وربي عارفة انو غلط بس فقط عن طريق الماسنجر يعني بالكتابة ما كلمته والله وهوا حتى ما طلب مني يكلمني يعلم الله انو ما بيننا شي وكلام صريح الرجال يبغى يتقدملي لأنه معجب فيا لأخلاقي وديني الحمدلله.. قلي انا ابغاكي بالحلال على سنة الله ورسوله وقال متى ماتبغيني اجي والله العظيم غير ارسل اهلي لاكن هوا خايف انو اهلي يرفضوه تعرفو ليش؟ لأنه شخص من ذوي الإعاقة حركيا الله يعافيه يارب يعني عنده شلل نصفي ويجلس على كرسي متحرك بس يشتغل وضيفة عادية ويقدر يسوق هوا مو ملتزم انسان عادي ..وشرحلي كل حالته الصحية والله يابنات أنا دايما أفكر فيه ..أنا كمان ما أكلمه كثير بس كل فترة لاكن كل ما شافني يرجع يقول انا ابغى اتقدملك وادعي انك تكوني نصيبي وأمس قال خلاس انا بجي قلتله انا بصلي استخارة لله وأردلك وفعلا صليت والله ودعيت دعاء الإستخارة بس مترددة مترددة من ناحية انو هوا ساكن بمدينة غير وصعب عليا ابعد عن اهلي وعن ناحية اخاف تكون صعبة الحياة هاذي عليا وما أقدر أسعده وهوا محتاج ليا ويحبني يابنات انا مو عارفة يكفي حبه ليا واهتمامي انا فيه وتفكيري ما أعرف اذا هوا حب ولا لأ انا مرتاحة له والله بس أخاف بعدين أندم ولا ما أحبه قد ماهوا يحبني لأنو متعلق فيا وانا ما أبغى أجرحه أو اسببله اي الم ايش اسوي شورو عليا انا والله مرة محتاجة نصايحكم اخواتي وبالنسبة لأهلي رح يتقبلو ولا لأ يعني ممكن يوافقو؟