محتاجه مساعدتكم خواتي

السلام عليكم
كيفكم اخواتي
حبيت اطرح مشكلتي لااجل تشوفون وش اقدر اسوي
المشكله الرئيسيه انا من النوع الي يستحي موت
ومااسوي شي الا بترردد واكثير اشياء اندم عليها اني ماسويتها
متزوجه لي 5 شهور
وعمري 21 وهو متزوج عمره 41 شباب
اسباب كثيره خلتني اوفق عليه
( وهو تمسكه فيني لمدة 3 سنوات ع رغم العذاب الي شافه مني
حتى يوم وافقت ردت فعله ماتخيلتها خلتني اصيح )
بس مشكلته اغلب وقته مسافر ويقطع عني فترات طويله لا اتصال او رساله
وانا بصراحه احبه كل شي فيه ينحب
لكن مااني قادره اقول شي او حتى ادلعه او او او اخذ راحتي معه
اكون معه انسانه غير عن الي انا الي اعرفها
وللحين مو قادره اني اطالع بوجه للحين او عيني تجي بعينه
والفتره الي قضيتها معه من تزوجنا 3 اساببع بس ابي اكسر هالحاجز واخليه يتعود علي وانا اخف شوي من هالخجل الي فيني
وانا ماني عارفه لمين اقول الي بنفسي امي مااقدر اقول لها هالشي استحي او بمعنى اخاف لا تسالوني سبب خوفي لاني ماادري
و ما عندي خوات اكبر مني او صديقات متزوجات والخ يفهمون علي وش بقول وش بنفسي
بنات ماابي اخسره
لحقوني تكفون طلبتكم ساعدوني
اختكم
اسوم