محتارة و قفلت معايا

السلام عليكم
كيفكم فراشات و كيف الدنيا معاكم و الصيف؟؟
هدخل بالموضوع دوغري
انا الثلاثاء الجاي اكمل الاربعين بالتمام و الكمال باذن الرحمن
و اللي صار انه دي المرة زوجي ما رضي يبات معايا عند اهلي زي المرة اللي فاتت
سكت و مشيتها و قلت يا بنت احسن لانه بنتي اكيد ما راح تنيمه بالليل و هو وراه دوام
دا غير اختي احس صعب و لا واحد فيهم هياخد راحته خصوصا الغرفتين ما بينهم الا سيب
بس فجاة صار ما يطلع في اليوم الا ساعتين او ساعة و نص
و احيانا ما يطلع خير شر
للمعلومية انا ساكنة في نفس بيت اهلي بس ليا شقة مستقلة
هو باخر كم يوم صاير عصبي و لا يطاق الصراحة
كل ما قلت شي او صار شي عصب عليا سواء كنت انا السبب او لا
و صارت كذا مشكلة و في وحدة فيهم طلبت الطلاق لانه بجد نفسيتي تعبت
ما بنام مع بنتي و محتاجته و لاني لاقياه و فوق دا كله لممن يجي يقلبها نكد و يعصب
و للامانة عشان ابري ذمتي حتى انا احيانا اقلبها نكد
بس لاني ابغاه يحس فيا و يحس قد ايش انا محتاجته و كدا مرة افهمه بس يلا مو مشكلة
هو يقولي خلاص انزلي البيت و انا قلتله ان شاء الله السبت انزل
اكون قيدني زبطت نفسي شوية دا غير اني ابغى اخد مانع قبل لا انزل بيتي
بس بجد اللي متعبني عصبيته ايش ما سويت للبنت عصب ايش ما عملت في نفسي عصب
بجد فاض بيا و قلتله انا فاض بيا هتزعق كمان و تعصب هتشوف مني شي ما راح يعجبك
يمكن انا مع النفاس صايرة حساسة مدري كل شي جايز
بالله ساعدوني و فهموني ليه دا كله بيحصل
لانه بجد دماغي متربسة مزبوط
و المرة اللي فاتت كل واحد فينا كان ملهي عشان بنتي كانت تعبانة و الدنيا اتلخبطت عشان وفاتها
فاللي تعرف سبب عصبيته اللي مالها داعي تفهمني لاني بجد هنجن
و مشكورات مقدما