يابنات ساعدوني محتارة ماادري الآن وش الدارج

هلا أختي فراشة أنيقة
بصراحه اللي اشوفه دارج كثير عندنا هو الحرير والشيفون
والموديل يكون جداً بسيط .. والألوان الفاتحه مثل الوردي والأخضر
والأحمر بعد بس مو كثير ..

الدارج الحين الحرير والشنتون حتى الشيفون راحت موضته
لو تلاحضين اغلب المصممين العالميين يستخدمون الحرير والشنتون الدانتيل
والالوان طبعا الفاتحه
الفوشي , البرتقالي , الاحمر , البيج , الذهبي , تركواز , اخضر

انا خياطه ولي خبره خوذي مني الحكي الزين ............. ابعدي عن كل شي موجود بكثره في السوق اذا كنتي تحبي التميز انا اتابع الاقمشه ومحلات الاقمشه بعد وش الجديد والقديم...المهم ..اذا كنتي من الرياض يوم الجمعه كنت في الاندلس في محل اسمه فرنسه لقيت عنده قماش مره غريب ونادر اللي جذبني فيه انه مره غريب ...فيه منه اصفر وعشبي ..وهذي الالوان عز الطلب بالاضافه للاحمر ..ووزنك ترى وطولك احيانا تحدد لون الفستان ....ابعدي عن الحرير والدانتيل ..او اطرح عليكي فكره تشترين قماش ساده وانتي تشغلينه وتبدعين في الموديل ..اذا فيه اي اسئله تراني فنانه وعندي خيال واسع ولي مجال في التصميم والخياطه اساليني وماراح اتاخر عنك ................................................. بس ادعيلي ربي يهديني

حبيبتي الذبولية وش الموديلات اللي نازلة هذي السنة باكمام او من غير القصات كيف القماش يكون اكثر من لون او لا
والله لواني بالرياض كان جيتك
والله يهديك ويثبتك قولي آمين

حبوبة ممكن اشارك
انا بصراحة عرس اخوي في الصيف رحت واشتريت القماش
القماش الرئيسي هو تول على تطريز ورود ويجي على الورد كريستال
والقطعة الثانية الشانتون او الحرير الهندي
التول المصمم يقوم ويقصقص الورود ويركبهم على الشانتون بالطريقة اللي انتي تشوفينها مناسبه
ويامرحبابج
اختك
بنت-الشوامس

مساء الخير اخواتي بصراحه موضوع رائع
انا عندي نفس المشكله ماعرف شو اشتري قطعة قماش لعرس اخوي
ابغي احد يقولي محلات تبيع اقمشه غاويه وحلوه يعني موضه ومصمم اوكي يصمم القطعه يخليه متميزه
وارجو انه يكون في دبي او الشارجه او بوظبي والاسعار ماتهمني اهم شي اكون اوكي ومميزه في العرس
ارجو من اختي طرفشانه واختي بنت الشوامس واخواتي الموجودات بعد يساعدوني
والسموحه أخواتي

دلوعة الغالية
انا بدليج محلين في نظري ارقى مكانين
اول واحد فيرونا في الغرير انا يوم ملجتي والله هلكت وانا ادور قطعة بس يوم سرتلة حصلت القطعة عنده قطع روعة واول ماتشوفين القطعة تتخيلين الموديل بروحج ويقولج بعد اذا عايبتنج قطعة في كاتلوج ممكن اييبلج اياها اذا حصلها
والمحل الثاني هتون عندة قطع زهير مراد وغيرة يعني اتحسين ان القطعة صدق هيه اللي في الكاتلوج مب مثل هالمحلات الباجية اللي يقصون عليج
بس اصحج تسيرين فيرونا
والمصممين ما ادري احس انه لدونا تصاميمة او بالاصح شغلة حلو واسعارة مناسبة
ويامرحبابج
اختج
بنت-الشوامس

جزاكم الله خير يابنات ماقصرتوا
أختي الذبولية بإنتظارك لاتتاخرين علينا
بس بنات معليش بس ماعرفت وش الشنتون ؟؟؟؟