محتاره بالوان العدسات تعالي ادلك على الالوان الحلوه

كل عام وانتوا بخير...ينعاد علينا وعليكم والجميع بخير وصحه وعافيه...
البارح جا على بالي هالموضوع..وقلت خل اسويه وانزله بالمنتدى وافيدكم يافراشات
لاني شايفه كثير محتاسين بموضوع العدسات...شنو احسن نوع..احلى لون..الخ من الاستفسارات..
زبدة الموضوع بنصحكم بالانواع الحلوه....
اولا فريش لوك..انشهرت كثير والغالبيه مجربينها..تقريبا مريحه ..بس البعض اشتكى
من عدم الراحه فيها ..او وجود ضبابيه في الرؤيا..بس الغالبيه اتفقو انها مريحه..الوانها
حلوه وطبيعيه بالعين ..
من احلى الوانها الرمادي وهذا شكله على العين
هذا شكله على عيون مختلفه ناس عاديين..تعمدت احط عيون غير عن عيون العارضه
عشان نشوف اللون على طبيعته بعيد عن الدعايه ومؤثرات الاضاءه..تعمدت احط الوان البشره
مختلفه ..اسمر ..حنطي..قمحي..عشان نشوف مدى ملائمة اللون للبشره..
الصور جبتها من منتدى اجنبي..ورجالهم مهووسيين بالعدسات اكثر من حريمهم..لهالسبب
بتلاحظون بعض العيون..عيون رجاجيل
من احلى الوانها بعد العسلي..فضيع مع المكياج وهذي صورته
باقي الالوان بعد حلوه ..الاخضر ..البني..الازرق..البنفسجي
النوع الثاني ...تراي كلر..كثر الحديث عنها هالفتره..يميزها انها فاتحه..حتى مع العيون السود
..شخصيا جربت كل الالوان بالمحل..الرمادي ,,الازرق,,الاخضر ,,العسلي..يمكن يختلط عليك اي
لونين لشدة تقاربهم مع بعض ..بس اللي يركز بيلاحظ اختلاف اللون...احترت اي لون اخذ
كلهم اعجبوني..ورسيت على الرمادي..وقلت فيما بعد بدور على باقي الالوان<<<>>مو كأني
قصيت قصة حياتي عليكم!!
هالعدسه انشهرت فيها هيفاء وهبي
نجي للصور
بالبروشور حق الدعايه طالعه غامقه شوي..بس تراها فاتحه مرره..
هذي صور اللي مجربينها..اللون الرمادي
هنا اللون الاخضر من تراي كلر..بتلاحظون الفرق بسيط مع اللون الرمادي
هنا اللون الازرق من تراي كلر..
اللون العسلي مالقيت له صور..بس تراه حلو من حلاوة باقي الالوان...
فريش لوك تلقونها بكل محلات البصريات الصغيره والكبيره..
تراي كلر بتلاقونها بمحل البشاوري للبصريات بالدمام..هذا تلقونه بامتداد الاماره قبال سوق الحب
فيه بنايه كلها محلات بصريات ..هناك بتلقون البشاوري..باقي المناطق اعذروني ماادل..
باقي جزء من الموضوع بكمله بعد شوي...باخذ نفس وراجعه لكم...