زهقانة ومقهورة من زوجك تعالي وراي

زهقانة ومقهورة من زوجك .....تعالي وراي
تشتكين
من زوجك
ما يهتم فيك
تغيرين في البيت وما يحس اللوح زوجك بشئ
تقصين شعرك وابو الشباب صامت ما يعلق
تلبسين لبس جديد وحضرته عيونه بالدش
تنظفين وتبخرين غرفة النوم وحضرته يجئ ينام ما يحس ولا يشم
تشترين حاجات مميزة وفخمة والكل يمدح بذوقك إلا هو ما عنده شعور
تطبخين طبخات جديدة وكأنة الجدار ما يتكلم ولا يعلق
تبدعين لضيوفه و زملاؤه وما يقول كل الكلام الحلو اللي تنتظرينه منه
تبدين معه بنقاش يفضه ما يحب يكمل معك ومع الناس مشاء الله مرح وهات يا سوالف وضحك
اقولك وش تسوين مع ها للوح اللي ما يحس
تعالي وراي
بسرعة شوي
لوسمحتي
اسمعيني عدل
ارفعي علية قضية ايه
لا تستغربين بس قبل ما ترفعين علية قضيه
روحي للسوق واشتري لبس غير تقليدي يعني غريب عليك شوي وما لبستيه من قبل
بعدين اكشخي ذاك الكشخه اللي تقولين للقمر قم وأنا اقعد محلك روحي لزوجك
اذا صار زوجك يقراء الجريدة في مكتبة
طقي الباب بلطف وقولي ممكن ادخل
لا تقعدين تضحكين خليك جادة
وإذا كان مبقق عيونه عند الدش سكريه بالريموت
المهم
عامليه على اساس انه قاضي
وارفعي علية قضية واطلبي منه حلول لزوجك اللي تاعبك وما يحس فيك
وفش كل خلقك فيه واذكري كل شئ عنه يعني اشتكي له بقوة من ها الزوج الظالم
قوليله وش العمل معه وش الحل
وعلموني وش يرد عليكم