محتاره وش اسوي مع زوجي

بسم الله الرحم الرحيم
السلام عليكم اخواتي
ابي اقولكم اني محتاره مدري وش اسوي في مشكلتي على انها الحمد لله سهله من جهه الا انها مهمه في حياتي وابي شوركم
المشكله بدات لما زوجي ما دق على امي يوم العيد يسلم عليها ويعيد هو اصلن ما عمره سواها دق على امي لافي عيد ولا غيره ولي سنتين متزوجين وانا ادق على امه يوم العيد وغيره لاني اعيد عند اهلي في منطقة ثانيه
انا في بداية شهر رمضان لمحت ليش ما تبارك لامي قال موب سنه هي عاده مشيتها وقبل العيد بايام صارحته قلتله تراهي حازفه في خاطر ومأذيتني خصوصا ان رجاجيل خواتي يدقون وهذي امي اقل حقوقها وتقديرا زوج بنتها الي ولدتها وتعبت عليها وخذاها منها انه يعبرها في المناسبات ماعلق وتوقعته بيدق في العيد لو عشاني ..... الرجال ما دق .... فانا ما دقيت على امه خله يحس بالي احس فيه ...
وفيه حركه سواها قهرتني وبلعتها وقتها بس الي هي انه كلمني ونا في السياره يوم العيد واهلي كلهم معي سالني وين انتي قلت في السياره مع اهلي قال انطمي انتي والي معك وبلعتها لان اهلي موجودين ما ينفع اقولي شي وعلى امل بيقول عطيني خالتي اسلم عليها .. ولا سوها وسكرنا
في اليوم الثاني كلمته وقلتله ليش ما عيدت على امي قال (موب لازم ومابي اعودها كل عيد ادق) وهذا الكلام قد قاله قبل قلت امي ما تستاهل تحشمك وما شفتها منها شر وهي امي ونت زوج بنتها ..ولا عنده
فانا علمته اني ما دقيت على امه ولا عيدت عليها عشان يحس بالي احس فيه .... الرجال انقهر وما توقعها مني عاد اهو كل شي الا امه ...فقالي هين عناد فيك ما ادق عليها طول العمر ومن هالكلام
انا انقهرت وكت ما قلت شي بس اصيح بدون صوت والله الموضوع حاز في نفسي مره لاني حاسه ان امي مستغربه وحاز في نفسها
عاد انا غلطت غلطه الي هي اني لما قال الي قاله ما استحملت بكيت ومارديت بس صكيت التلفون في وجهه ...
وارسلت له نفس كلامي وموقفي وقلت له ليش تقولي انطمي انتي والي معك وش دخل الي معي انا اوكي
وبعدها ارسلت امي ما تستاهل منك كذا ... ونا صادقه والله ما تستاهل امي ما تتدخل ابدا اصلن يالله تسلم عليه وتكرمه وتعزمه
بعدها تحسفت اني سكرت لانه بيحسبها غلطه ومايمديني اني ازعل زين ما زين
دقيت عليه بكره وبعده وما يرد
اليوم الثالت دقيت وارسلت اول ما تفضى دق علي ابيك في موضوع
كنت ناويه اعتذر على تسكيرتي في وجهه
واقوله اني مارسلت رساله اعتذر لاني اعترف بغلطي وماني مغروره اوجبانه ما اعرف اواجه غلطي ... لانه مستحيل يعترف بغلطه او يعتذر باي صوره
بس الرجال ما دق ودق عليه مره ثانيه ورا بعض ابيه يحس ان الموضوع مهم ولا رد وارسلت افهم ابيك بموضوع ولا رد مسوي يتغلا مدري عنه وش يحس فيه
دق مثل بكره بس كنت مع جمعه ولا قدرت ارد ولما رجعت دقيت ما رد يمكن نايم عشان الدوامات
بس انا قلت ماني داقه خله يدق ويومين ما دق
المشكله انا عايدي بطول ما ادق لانه غلطان في حقي وحق امي وبعدين لما قلت ابيك في موضوع طنش
بس انا عند اهلي المفروض يجي ياخذني لما خلص العيد خواتي كلهم راحو وما ابي اهلي يحسون ان فيه شي
وش اسوي
ادق ... ما ودي ودي انه هو الي يدق
نفسي يعترف بغلطه بس اعتراف مابيه يعتذر
اكمل طناش الين يتحرك.... واهلي عايدي اصرف ...بقدر اصرف
وودي اعاقبه احسه حركاته ما تدل على احترامه لي
شيرو علي
ملاحظه ما توقع انه لما مادق على امي من باب عدم تقدير لا يمكن يكون نوع من الخجل وعنده نوع من خوف من الموجهه ... مسويه احلل شخصيته
بس ولو يعني امي وش بتقول وش الفكره الي بتاخذها ؟؟؟؟؟