محتاره يابنات ساعدوني سرت مو عارفه ايش اعمل

مساء الخير كيفكم يابنات
واللهي مو عارفه ايش اقولكم بس ياليت تساعدوني عارفه ممله بس ايش اسوي
مالي احد اسئلو واستشيرو غيركم طبعا اللي رودو عليا في موضوعي
http://alfrasha.maktoob.com/alfrasha12/thread1295703/
برجع لكم دحين وانا معايا مشكله امتداد لدي المشكله
والله يابنات انو بعد الموضوع بيومين صادف يوم اجازتو الويك اند
طيب اتصلت وهو في الدوام على الهوتيل وقلت لهم انو حجز غرفه وسئلني في مناسبه قلت لو
عيد زواجي طبعا هو مو عيد زواجي بس حابه اعمل لو ليله رومانسيه حلو
واتكلمنا عن الموضوع وقلت لو ياروحي ياعمري انا احبك وعمري ماراح اهتم في احد غيرك انت سيد الكل
وادا انا اهتميت في سومه اهتميت فيه لانو منك انت من لما عرفنا بعض وانا بحلم بالشي دا انو اجيب ابني منك واقتنع وانبسط وقلت لو انت تحبو قال ايوا احبو واموت فيه لانو انتي امو واستبينى على خير وبصراحه
اللي حجز لي خلى الغرفه شي موطبيعي ناثر الورد عالسرير وفاتح بس الابجورات وجوها كان مرا خيال وكمان اللي حلى الموضوع المطره اللي نزلت على الهدا طبعا بما اني من الطايف كانت المطره مرا حلوه واضافت جو مرا حلو اتعشينا في البرندا ودعيت الله في قلبي انو ينسي زوجي موضوع الغيره من ابنو
المهم رجعنا للبيت اليوم التاني واول مادخلنا راح وحضن وباس سومه واخدو معاه السوبر ماركت واشترى لو اشياء كتير وقلت في قلبي الحمد لله الشي اللي عملتو البارح يعني خلى يراجع نفسه في الليل جا دخل الغرفه ولقاني البس سومه البجامه واحضنو وابوسو جا قالي ابغى شاي قلت لو طيب بس حتخليك تسهر وانت عندك دوام بكرا قال لا ولايهمك قلت طيب ورحت ونيمت سومه عند ستو ورجعت ابغى اعمل لو الشاي جا واخدني وقال بطلت ماابغى ابغى بس تكوني معايا عرفت انو بس علشان يلهيني عن سومه سكت وماقلت شي وجلسنا نتكلم وعادي ورجعت عدت نفس الموال احبك والخ الخ الخ نفس اللي فوق
بس راح الدوام ورجع باسني وماباس سومه على طول ناداني وقفل الباب قلت لو بروح اسويلك الغدا قال لا تعالي شويه دحين تعبان وابغى اصحى واتغدى معاكي شويه قلت طيب وكل ما انيمو وابغى اقوم سومه يجي يدق الباب وستو تجي تاخدو ودحين هو نايم زوجي بس يحس اني قمت يمسك ايدي ويقولي لاتقومي خليكي معايا امي دحين تجي تاخدو وفي الليل
خلاص ما اقدر اسيبو مرا تانيه وسارت ماما ام زوجي تدق جوال عليا تعالي سومه يبكي يبغاكي فقلت لو حبيبي معليش بروح اشوفو قال طيب روحي روحت ومن بعدها سار يفضل نايم من يوم يجي من الدوام يتغدى وينام ومايصحى الا وقت الصلاه ويرجع ينام الى اليوم التاني ولينا تلاته ايام نتخاصم على نفس الموضوع ويرجع يراضيني ويرجع يعمل نفس الموضوع ويرجع يراضيني اقولو ليه تسوي كدا يقولي مو قادر اتحكم في نومي تعبان اقولو لا انت كل دا بس تبغى مني اجلس معاك وما اروح لسومه يقولي لا مو كدا عارف انك تحبيني انا احبك وسامحيني زعلتك ماراح ازعلك ياعمري ويحلف ويقسم ما اروحولا اتحرك من عندك لمن ترضي عني طيب واقولو خلاص ياروحي حصل خير واليوم التاني يرجع يعيد نفس الموال
واخرها اليوم للان نايم اقولو قوم العب مع سومه طيب يقول ما ابغى الا ادا تبغي نطلع انا وانتي نتعشى في مطعم لوحدنا اقوم طيب البارح روحت كمان اليوم اروح وبعدو اروح وبعدو عيب يعني كل يوم نسيب اهلو يتعشو لوحدهم واحنا نطلع كل يوم وكمان اكل المطاعم بيدبحنا تعبت معاه ياجماعه والله
يمكن في بنات يقولو انتي مجنونه احمدي ربك زوجك يحبك بس والله يابنات ايش اسوي يعني ارمي ابني انتو عارفين مشاعر الام كيف مستحيل تسمعي ابنك يبكي ويبغاكي تنيميه وتسيبي ولا كانك تسمعي او انو كل يوم ارميه عند ستو ايش اسوي يابنات والله تعبت مليت يبغى بس اجلس جنبو اربعه وعشرين ساعه ما اتحرك اقولو طيب ياعمري روح مع اصحابك اطلع وتعال واتمشى يقول لا ما ابغى ابغى اجلس معاكي طيب انا مو عارفه بصراحه احس اني مليت شورو عليا ايش اسوي عادي اخلي ينام دا الوقت كلو او اودي ابني عند ماما واخواتي يجلس عندهم دايما علشانو هو يحبو والله ويموت فيه بس مشكلتو انو يغار يغار الغيره ذابحتو