مرجع لطرق الترضيه الدلع تعالوا نستفيد من بعض

مرحبا يامتزوجات
اشلونكم ان شاءلله مرتاحين
اكيد كل متزوجين تصير بينهم خلافات والصراحه فعلا اهيه ملح الحياة الزوجيه مرات هالخلافات تكون بسبب الزوج وعاد انت وقتها تاخذج العزه انج مستحيل تكلمينه او تتفاهمين معاه لان اهوه الغلطان وتنطرين لين اهوه يراضيج واذا كشت عاد الله المستعان
اما ياحلوين اذا انت اللي كنت سبب الخلاف او الهواش يعني مسويه شي غلط وانت عارفه هالشي
بس الصراحه بيني وبينكم ساعات يكون السبب بسيط ومايسوى زعل وانت ودج تراضينه بس بطريقه حلوه ومايكابر فيها يعني باختصار بطريقه اكون معتذره فيها بس اهوه يراضيني
اشرايكم يافراشات نجمع افكار علشان الكل يستفيد
انا راح ابدا
انا اذا كنت مزعلته ومابي اقط عمري ادز مسج اني اسفه وطبعا اهوه راح يرجع البيت بعده مبوز بس انا اكون كاشخه اكثر من كل يوم واقعد يمه كان مافي شي واتكلم معاه بدلع لين مايطيح الحطب والاقيه بدى بمقدمات الترضيه........
وبس
يالله يامتزوجات افتتح المزاد
مين يزيد