مريتي بتجربه بحياتك زوجيه مثلها ادخلي وساعديها وفرجي همها

**فديت منتدى الفراشه**

13-09-2022 - 07:29 pm

السلام عليكم ورحمة الله وبركاته
اليوم يومكم يافراشات ابي فزعتكم البنت محتاجتكم وقالت مالي الا الفراشات
هي ماشاءالله عليها
تحب تطبخ لزوجها وتهتم فيه وتحب تسويله مفاجأت وتتفنن بالسهرات
وملابسها فالبيت كأنها بتطلع او معزومه ولازم تبخر البيت وتجهزه قبل مايجي من الدوام
ودايم تلبيله طلباته
وقبل كم يوم كان مرور زواجهم
جهزتله مقبلات واكلات وخلت شقتها معطره ومرتبه وكلها شموع
امس
كان زوجها معطي ولدهم جواله علشان يلعب بلعبه فالجوال وكانت هي مع ولدها تلعب معاه
فجأه ولدها حاس بالجوال وطلعت لها صور ورسايل
وشافت صوره للماسنجر حقه مع وحده تقوله كأنها مصوره بالجوال
وشافت ايميل من بنت كاتبتله كلام غزل
والبنت مولعه لان اللي كاتبتله بالايميل ماقالت اسمه قالت ياابو.......<<<<<البنت عارفه انه متزوج
البنت تبي اسلوب او معامله علشان تكسر خاطره ويندم بطريقه غير مباشره
يعني تدلعه تدلله
او طريقه تخليه يترك هالبنات تعرفون لازم الازواج يطيحون فبنات حرام مثلهم
لاتقولون خليها تطلع بيت اهلها
ولا تواجه زوجها ولا تكلم البنت وتهددها
لان التصرفات هاذي تخرب بيتها بدل ماتصلحه

التعليقات (9)

أم كيمو الحلو

13-09-2022 - 10:41 pm

وجع انا نفسي اعرف هالاشكال متى تنمحي من الوجود تعرف انه متزوج وتكلمه الله لا يوفقها <<<<<<<<< عصبت ودها تهاوش
قولي لها تتصرف كأنها ما تدري بس تدقه بالكلام من بعيد لبعيد ( يعني اياك اعني و اسمعي يا جاره ) تقوله فلانه _ اي وحده من راسها مو من القرايب عشان لا تتورط - اكتشفت زوجها خاين و الله هي ما تقصر بس هو ناكر و تقوم تصب دعوات زي الحريقه ( الله لا يوفق كل واحد يخون زوجته الله يشغله بصحته اكيد بيشوفها في بناته او خواته و لا حتى في زوجته يحسب الاعراض لعبه ) و بعدين تلفت له و تقول الله يخليك لي يا ابو فلان يا سيد الاخلاص انت ... <<<<<<<<<< بيجيه مغص !!!!
و خليها تقرأ ( اسرار العشيقات) بموقع مملكة بلقيس رهيب ...
دعواتك عساني ما اعيش هالموقف <<<<<<<<<<<<< خافت

اتعبني غيابي

13-09-2022 - 11:42 pm

والله يااختي مافي مثل المواجهه هي الي تكسر عيينه
وتخلييه يندم
والطرييقه الثانييه انها تجييب ارقام البنات او ايميلااتهم
وتعرف منهم وتادبهم وتهدهم انها تبلغ عنهم الهيئه مثلا
وعلييها بالاستغفار والدعاء والله يسخره لها

اتعبني غيابي

14-09-2022 - 12:43 am

رد اختي ام كييمو الحلو عجبني ماشاء الله خلييها تطبقه وتشووف

عيون سوزي

14-09-2022 - 01:44 am

الحمد الله اختي انا ما مريت بهيك تجربه بس حسب رايي تحكيله قصتهم وهم جالسين يعني وكأنها قصة وحده صديقتها وتقله شو رايك لازم تعمل صديقتها وتقله لو انها محلها ما كانت حتسكت وتقله بس طبعا انت كبير وقيمتك كبيرة ما بتعمل كثل هالحركات التافهه وتمدح فيه وتشوف ردة فعله كيف بتكون

MisS Hanin

14-09-2022 - 02:45 am

لا حول ولا قوة الا بالله
حسبي على هيك بنات والله مادرينا وش يبون
عليها بالدعاء بالهداية لزوجها لعل دعوة صادقة في جوف الليل
تخليه يرجع لضميره ومايشوف غيرها ..
جعلي مااشوف مثل هذه المواقف >>> آمين يارب العالمين

**فديت منتدى الفراشه**

14-09-2022 - 03:46 am

أم كيمو الحلو
والله اني مت من الضحك
اتخيل شكل زوجها ووهو يسمع الكلام ههه
ام الدعوات حلوه

**فديت منتدى الفراشه**

14-09-2022 - 04:47 am

اتعبني غيابي
صح كلامك لو واجهتي بنت راح تخجل وتندم
بس والله الرجال يقلب كل شي فوق راسها كأنه هي اللي غلطت ويطلع عيوبها حتى لو مو حقيقه
لاتجربين تسوينها
والبنات دام انها عارفه انه متزوجه صايعه بتقهرها بتاخذ بثارها وبترجع بتكلم زوجها
ممكن تواجههم اذا مايدرون انه متزوج بتنصدم وبتبعد

**فديت منتدى الفراشه**

14-09-2022 - 05:48 am

عيون سوزي
ان شاءالله تشوف ردودكم وتطبق اللي يناسب زوجها

**فديت منتدى الفراشه**

14-09-2022 - 06:49 am

MisS Hanin
هذا حل يطمن كل متزوجه
الله يفرج همها

اخواتي احبكم تكفون انقذوني←
للمتزوجات وذوات الخبره والصبوره تدخل→