مسابقة مع العيد أنتي أجمل مع klee ot a للي فاتهم الاسبوع الاول من رمضان

1. ملينا وزهقنا ..


2. هذي شروط المسابقة :-


3. يوم السبت

مسابقة " مع العيد أنتي الأجمل "
السلام عليكم ورحمة الله وبركاته
شبعنا من المتن والسمنة والتعليقات السخيفة اللي نتلاقاها من بين الناس بين الحين والآخر

ملينا وزهقنا ..

نروح المحلات نشوف أحلى الملابس ونقعد ندور أكبر سايز ويمكن يطلع قياسنا ويمكن لاء ..وإذا لقينا نقعد نفكر كيف بيطلع علينا بيغطي الكرشة والزوائد ولا بيطلع منبهدل وبعد اللف والدوران والتفكير العميق نطلع من المحل خيبانين
مع المتن .. أنتي أكبر سناً من عمرج الحقيقي ب ... على حسب وزنج كل ماكان وزنج أكثر كل ماعطاج عمر أكبر
نقول بنسوي رجيم وبنبدأ ونبدأ فعلا وننحبط ماينزل وزننا تصير حفلات وطلعات ونشوف أنواع مختلفة من الأكل وفي النهاية نخرب الدنيا ..
كل يوم رجيم وكل يوم إحباط أكثر وأكثر .. ومانحس بمدى متنا إلا لما نروح الحفلات والمناسبات ونشوف البنات اللي بنفس العمر اللي لابسة ضيق واللي مخصر وكل وحده تقول الزود عندي ....هنيه فعلا نقطة الإحباط الكبرى .. ومانحس بمدى متنا إلا لما نروح الحفلات والمناسبات ونشوف البنات اللي بنفس العمر اللي لابسة ضيق واللي مخصر وكل وحده تقول الزود عندي ....هنيه فعلا نقطة الإحباط الكبرى
والحين رمضان جا..يعني معظمنا متوقع زيادة في وزنه من الكيلو أو الكيلوين والبعض يتوقع يزيد فوق الخمسة
والعيد بعده ..والفضايح بتبان ..!!!
شورايكم لو عكسنا الآية واستغلينا شهر رمضان تكون بداية جديدة لخسارة الوزن الزايد وبالعيد نكون الأجمل
والكل يسألج كيف ضعفتي ؟؟
ضعفتي وايد ؟؟!!
احلويتي ؟؟!! شو سر هالجمال ؟؟!!!
..عاد كل وحده تتخيل هاللحظة وتتشجع وخلونا نسوي هالتحدي ونشوف كم كيلو بننقص في رمضان ...
هالمسابقة لكل وحده تبحث عن الجمال اللي اساسه الرشاقة ..لكل وحده تدور بداية جديدة ونقطة تلتزم فيها ونشوف لوين بنوصل ..

هذي شروط المسابقة :-

• الالتزام بالحضور اليومي ومن يتغيب لأكثر من أربع أيام سوف يحذف اسمه من قائمة المتشاركين إلا إذا ذكر عذر لغيابه.
• راح يكون هناك صفحة لليوميات وصفحة لتسجيل النتايج الأسبوعية راح يتم تحديد يومين لتسجيل النتايج ولابد من المشاركات الالتزام بتسجيل النتايج في اليومين المحددين .
• ستبدأ المسابقة في ثاني اسبوع لرمضان

يوم السبت

• التسجيل راح يتسكر يوم الجمعه بالليل
• كل وحدة تدخل تسجل اسمها ووزنها وطولها ونوع الرجيم والرياضة اللي راح نمارسها.
• راح نقسم المشاركات إلى مجموعات حسب الأوزان .(في حاله كانت الكميه كبيره من المشتركات)
• هناك أوسمة للمشتركات يتم اختيارها أسبوعياً :-
• " وسام التميز " يمنح لأكثر مشاركة تخسر كيلوات من وزنها .
• " وسام الحضور المميز " للمشاركة التي تلتزم بالحضور وتساعد في تحفيز المتشاركات بأي وسيلة ممكنة.
• " وسام أفضل قروب " راح نقيس عدد الكيلوات لتي يخسرها كل قروب ونختار أكثر قروب خسر كيلوات .

بنات نبي همة وروح حلوة ومشاركات والتزام في الرجيم وياريت كل وحده تدخل تكتب الهدف الأول اللي تبي توصله أو الوزن الي تبي توصله لين العيد ...
انا في انتظار مشاركاتكم وهمتكم ^____^
م.ن