مساعده من الذويقات والخبره بالاثاث

ليدي توفي

22-01-2022 - 07:36 pm

مرحبا بغيت منكم خدمه طبعا اللي فاهمه بالاثاث وعندها ذوق انا من زمان ماجيت محلات الديكور ولادري وش طلع جديد
طبعا انا الان مو في بيتي لاننا دوره بالرياض سنه والدوره قربت تخلص باقي شهر واذا رجعنا بغير الاثاث
بنات ترى ماعرف اختصر بالكلام ابدا بس طولو بالكم
ابغى اسرمك الدور الارضي كامل وش اختار ودي لون واحد وش رايكم؟ اللون الاول كان عسلي بسكري ومغمق البيت
الدورالارضي عباره عن مجلس وجلسه للعايله وصاله استقبال وممرات ومطبخ مو كبير طبعا في قسم رجال بس ماراح اغير فيه شي لان زوجي هو بيغير علا ذوقه
المجلس الكنب حقه جديد بس بغير السراميك وارجع الكنب بس الصاله كثير استقبل فيها مسكره من ثلاث جهات والجهه الاماميه مفتوحه ابغى اثاثها يكون ناعم وشيك وهادي وش تقترحون احط فيها ابغى افكار جديده
بنات ترى والله محتاره عطوني افكاركم حتى التحف والمرايا الصاله مهمه عندي واثاثي الاول كان زحمه وكان فيه بترينات وزوايا والكنبات ماكانت ناعمه ابدا كانت غاليه ومسويه زحمه
يبقى جلسه العايله برضو وش احط فيها احيانا لما يجيني احد من المقربين نجلس فيها ترى مثلا التلفزيون المكتبه حقته مو عاجبتني
اتمنى فهمتو علي
ثانيا ابغى اغير البويه واعتق وش الالوان وايش اللي يتعتق واللي مايتعتق ابغى شي جديد وفكره المداخل لان مستخدمه والا لا لان ممر الحريم فاضي
لاتبخلو علي بافكاركم وان شاءالله اذا اثثت بوريكم الصور والافكار اللي تعجبني واسويها بكتب عندها ترى هذي فكره فلانه عشان تتحمسون باقي شهر من الان وابدا اثث

التعليقات (9)

ليدي توفي

22-01-2022 - 11:07 pm

وش السالفه محد رد

مملكتي زوجي وبناتي

23-01-2022 - 12:08 am

السلام عليكم اختي صراحه انا مافهمت كثير بس بقولك البويه لاتخلينها معتق عشان خلاص صارت قديمه يعني خلي البويه بلونين فاهمتني يعني فرضا الممر حق مجلس الحريم خليه احمر وحطي كنب 2 اسود صغيره طبعا والصاله خلي لون البويه جهتين ابيض وجهه ازرق وخلي الكنب ابيض وازرق واتمنى اكون افدتك وتقبلي مروري

ليدي توفي

23-01-2022 - 01:09 am

مملكتي زوجي وبناتي
يعطيك العافيه فديتك افكارك حلوه وانا حاطه ملف علشان احفظ فيه افكاركم وانت اول وحده بنسخ ردها لان فكرت اللونين عجبتني مشكوره

*^* عذب الجوري *^*

23-01-2022 - 02:10 am

الجدران بأي مكان تبين تغيرين فيه ، حاولي يكون لون واحد او لونين
على حسب بساطة الاثاث او فخامته
يعني اذا بسيط خليه لونين ، واذا فخم خليه لون واحد
عندك الحين الوبيات تصير على مخمل او مرسوم منه وفيه بنفس اللون
او تصير عليه طباعه بلون ثاني
وهذا مثال له ..
عن تجربة بيلطع حلو لو كان لون واحد او درجتين من نفس اللون
ومع الاثاث والتحف بيطلع فخم ..
حلو بيكون لو صار مكان الاستقبال ..
وكل ماكانت الالوان هادية وفيها لمعه بتكون اسهل لك باضافه التحف والاطارات وبيكون افخم ..
أما هذي الصورة الثانية ، مادري هي طباعه والا ورق جدران
اللي شايفته عند اخوي يكون لون ، او لونين
********************
أما بالنسبة لصالة الجلوس والتلفزيون ، انا يعجبني هذا التصميم
اولا انتي تتحكمين بالطول ( يعني لكم شخص )
وتقدرين تضيفين كنب صغار لشخص واحد وبيكون بالوان غير الكنبه الكبيره << مثل اللي بالصوره
وتسوتوعب عدد اكبر ، وتقدرين تزينيها بخدايدات وشراشف مناسبة بحيث تنثرينها على الكنب من فوق
بحيث تصير الجلسه على جهه والتلفزيون بالمقابل
****************************
أما بالنسبة للرخام ، حاولت ابحث عن صور مناسبه لي في بالي ماحصلت
اشوف ان اللون الفاتح ، لون الرخام المعروف اللي يجي سكري فاتح بلمعه هذا افضل شي
يعطي المكان مساحه ولمعه افضل من الالوان الغامقه
وتقدرين بالمدخل تسوين شوية حركات ، مثل هالصورة او اللي يناسبنك ويناسب مساحة المدخل والديكور
*************************
و بالنسبة لجسة الحريم اللي تستقبلين فيها
حطي فبالك شنو تبين فيها ، ( انها تسوتوعب عدد كبير ومناسب ، ماتكون دفشه وكبيره وتخذ مكان من المساحه )
وبنفس الوقت تكون فخمه
انا عاجبتني سالفة الخشب من تحت ، خالتي ام زوجي توها مسويته
غرفة الجلوس مو مره كبيره ، فهي تحكمت بمساحه الكنب نفسه ، وكان مع الخشب مره فخم
وكان ودي مصورته بس للاسف انا مو بالرياض حاليا ..
وبحط لك صور للي فبالي
تقدرين تتحكمين بارتفاعها عن الارض ومساحة الجلسة ,,
وبذوقك وافكارك تختارين الوان الجلسه والحركات اللي عليها ,,
************************
أتمنى عجبك ردي واقتراحاتي ,,
اذا عجبوك او ماعجبوك يكفيني ان تدعي لي بالذرية الصالحة ,,
موفقه بالاختيار ..

ليدي توفي

23-01-2022 - 03:11 am

اختي عذب الجوري
اول شي الله يرزقك بالذريه الصالحه ويقر عينك فيها يارب وماراح انساك من دعائي
ذوقك مره حلو وجبتي شي ماخطر علا بالي فعلا لاني من زمان ماثثت ولارحت ولاجيت علشان كذا طلبت منكم تساعدوني
الله يوفقك ويرزققك وين ماتروحين افكارك مره نايس

زاهي الكحل

23-01-2022 - 04:12 am

التعتيق راحت موضته خلاص

*^* عذب الجوري *^*

23-01-2022 - 05:13 am

ليدي توفي
جزاك الله كل خير على الدعوة ،
الله يسهل عليك وينولك مرادك ,,
واي استشارة انا حاضره ,,
اذا بغيتي اسم المحل اللي خالتي مسوية فيه الخشب خبريني اذا جازلك سالفة الخشب
أسأليني برساله واسأللك وقتها ,,
موفقه بالاختيار ..

شقراويه بعزها ومحد يهزها

23-01-2022 - 06:14 am

بالنسبه
لسرميك
حطي
بيج
ودخلي
معه
لون
ثاني
يصير
زي
الشطرنج
روعه
سوينه
في
بيتنا
والكل
انهبل
عليه
والبويه
عليك
بالفلفت
والمخمل
والجدران
لازم
تكون
اكثر
من
لون
واكثر
من
نقشه
مثلا
جدار
ساده
عنابي
وجدار
مخمل
عنابي
وجدار
فلفت
بيج
وجدار
ساده
بيج
كل
جدار
شكل
واذا
يتجددي
غرف
النوم
مالك
الا
الباركيه
بس
خذيه
فاتح
عشان
مايبين
الغبارر
خ

ليدي توفي

23-01-2022 - 07:15 am

شقراويه بعزها ومحد يهزها
مشكوره علا ردك بس سراميك علا شكل شطرنج قد سويته قبل كذا بالمطبخ وممرجانبي اللي هو الان ابغيره وبويه الفلفت عجبتني كمان ان كل جدار يختلف برضو فكره حلوه وغرفه النوم كنت حاطه موكيت مكرونه قبل فتره ويمكن اغيرها بس ابغى اخلص من اللي تحت وتسلمين ماقصرتي
كلك ذوق
عذب الجوري تسلمين علا ارأك واذا بغيت شي برسلك عالخاص يعطيك العافيه

حمامات وانتوا بكرامة←
غرف نوم مبتكره ورائعه→