مستجده ومحتاجه لكم

يسعدني اكون اول وحدة ارد عليك شوفي حسسية بالفرق بين رمضان وهو عازب وهو متزوج يعني اذا دخل الشهر الفضيل وهو برى البيت هنيئة وشاورية بالمقاضي والمستلزمات وش يبي يبلع على السحور والفطور ههه اما من ناحية المكياج انا ماافضلة خليه يشوفك صايمة من كل زينة والله افضل حتى لنفسك تخيلي صايمة وحاطة روج واحمر خدود ورسمة وخرابيط انا اشوف انك تكحلين عيونك من الليل وهي افضل زينة ويكون شعرك مرتب ولبسك حتى لو بجامة هم كشخة مو بجامات ام عشرين ههه الي تنمش من اول غسلة لا خلي لبس بيتك كشخة لنفسك اول ثم للعيون الا تشوفك واتمنى ان اول يوم برمضان تلبسين شي ماشافة عليك يحس ان زوجتة متغيرة واليوم متغير والفطور متغير وناسة يقول يلعن العزوبية كلها وانا اشوف اهم شي اخلاقك اخلاقك وابتسامتك الا ماتفارق وجهك اذا ابتسمتك في وجة اخيك المسلم صدقة كيف زوجك

مشكوره الله يعطيك الف عافيه
وين الباقي بليز ابغى خبرتكم

شوفي حبيبتي انا لي 3 سنوات متزوجة اول سنة مر علي رمضان ماسويت شي يعني كنت عروس وبعدها كنت ادرس ومافي وقت للكشخة ... والحمد لله عدت على خير
وبعدها السنة الثانية حلوة على بس كان زوجي يفطر بالدوام يعني اجلس لنا لحالي افطر والله مسكينة لو تشوفي حالتي يعني اذا كنتي لحالك ماتحبي تاكليين وشلون رمضان بس من بعد الترويح زوجي يجي من الدوام ... يعني يجي هنا يشوفني كاشخة ومتزينة والحمد لله عدت على خير
وهذي السنة الثالثة علي في رمضان ... والله يعينا على الدوام بياخذ زوجي مني في الفطور وفي السحور..
ماأقول الا الله يصبر قلبي.....
ودمتي بود...

حبيبتي الله يبلغنا رمضان ويغفر لنا ذنوبنا امين
بعطيكي فكرة حلوة
1_مثل ماقالن الاخوات البسي ثياب حلوة حتى لو بجامة بس انا بفضل عباءة ملونة ومطرزة كايام العصر الاموي والعباسي
2-اشتري فوانيس لرمضان وعلقيها بالبيت وخاصةغرفة المعيشة اول يوم قبل لا يروح زوجك
3_الابتسامة والحب والهدوء
4-بتقدري تحطي المكياج التالي:
كريم اساس
بودرة ناشفة فوقها
كحل وماسكارا خفيفة
عطر هادي جدا
5_اقرأي مع زوجك قرآن قبل وبعد الافطار ما استطعتم
اتمنى اكون افدتك باقتراحي
ادعيلي الله يهدي بالي ويحبب زوجي في

شوفي اناادرس وعادي شكالي بس البس بيجامة علشان ازين الفطور ولخذ راحتي
بس اهم شي اساليه وش يبي على الفطور والعشا
وبعد صلاة العشاء او المغرب اتسبح واتلبس واحط كحل واتعطر هذالغالب

مرحب انا حابه اضيف رأيي لكم ::
ان الوحده فينا لازم ماتهمل نفسها برمضان
تلبس بيجامه مثل ما فالو الاغلبيه
او ممكن جلبيه
بس بصراحه ماأيدت المكياج خلال النهار
لانها زينه ,, وممكن الرجال يتأثر وتصير عنده شهوه
صح ان الرجال مو ولد صغير
هو اكيد بيمسك نفسه خلال النهار
لكن ممكن الزوجه تثيره وهي ما بتعرف او من دون قصد..
ممكن قبل رمضان بيوم تكتبي لزوجك كرت تهنئيه بقدوم الشهر الفضيل

مشكورين الله يعطيكم الف عافيه
وربي يسخر كل المتزوجين لبعض

اول شي الله يبلغنا صيامه يارب
المهم قلبي هذا 3رمضان لي مع زوجي
وانا اصحا الساعه12اصلي واجلس اقرا قران
بعدين ابدا بالفطور بدري
عشان اخلص بدري
وادخ اتسبح واغير لبس المطبخ----->مخصصه لبس للطبخ وريحة القلي-بس اغسله كل يومين
البس عادي بيجامه بلوزة وبنطلون وارتب شعري
واصحيه
ونجلس نسولف شوي
وندعي لحد مايفطر
واذا راح يصلي التراويح
ادخل احط مكياج ع خفيف واتعطر
كل يوم ع هالحال
وطبعا ع حسب المزاج
الله يعين هالسنه صدوفي كبرت وبتحوس علي

اللهم بلغنا رمضان ونحن بأحسن حال واجعلنا ممن يقومه أيماناً
واحتساباً.........ابقولك برنامجي برمضان أدخل المطبخ بعد العصر لأن
زوجي مهوب راعي طبخات بس لقيمات وسمبوسه ولا يشرب قهوه
فالذلك أدخل متأخره وقبل المغرب اتروش واغير لبسي وإذا راح للمسجد
ابخر البيت علشان ريحةالقلي واحط مكياج خفيف................
اتمنى اني افدتك والله يوفقك ...............