مشغل بالرياض

آفاق إمرأه

14-07-2022 - 02:19 pm

السلام عليكم ورحمة الله وبركاته
كيفكن صبايا؟ إن شاء الله تمام
خواتي جزاكن الله خير
انا عندي موديل حلو بس أبي تدلوني على مشغل بالرياض يجيب لي القماش ويخيط نفس الموديل اللي أبيه
وأبي يكون سعر المشغل معقول
اللي تعرف لاتبخل علي برد واللي ترد الله يجزاها خير ويرزقها ويحقق لها ماتمنى اللهم آمين

التعليقات (6)

حبيببة الاطفال عالم دوريس

14-07-2022 - 05:43 pm

اهلين حبوبه انا الي اعرفه مشغل اسمه رامتان حلوا بس مو شغله جنان بس مقبول وغاليه شوي مكن تاخذ منك 800 علي الفستان وفي مشغل يمدوحونه بس ماعرفه اسمه عالم وسام وفي عندي رقم مصممه الناس تفصل عندها بس ذي غاليه بس تجيب القماش من عندها

آفاق إمرأه

14-07-2022 - 06:44 pm

مشكوره أختي
بس انا أبي مشغل يجيب القماش ويخيط وسعره معقول مابي شي غالي مره
الله يجزاك خير اختي ويحقق لك ماتمنين ويوفقك يارب

عاشقة الماكرو

14-07-2022 - 07:45 pm

هلا أختي تبين حلو ورخيص ما تجي هذي بس على كل حال منطقة الورود قدام ملاهي الخيمة تلاقين هناك مشاغل كثير عندهم نفس الفكرة إن شاء الله تلقين عندهم اللي تبين

البنت العاقلة

14-07-2022 - 08:46 pm

مرحبا اختي في مشغل انا تعاملت معة صاحبتة سعودية هي تجيبلك القماش اذا انتي حابة وتساعدك بالموديل اسمها المصممة وهي بحي الروضة وان شاء الله اذا ناسبتك اعطيك التفاصيل على الخاص وان شاء الله مايكون بعيد عليك هو بالروضة بحي الاندلس .شارع الامير بندر

آفاق إمرأه

14-07-2022 - 09:47 pm

عاشقة الماكرو
اهلين أختي
انا ماقلت أبي شي حلو ورخيص!!!
أنا قلت حلو ومو غالي مره يعني سعر معقول لارخيص ولاغالي
والموديل اللي عندي تيور مو فستان وماله داعي يكون غالي مره
مشكوره أختي جزاك الله خير

آفاق إمرأه

14-07-2022 - 10:48 pm

البنت العاقلة
مرحبتين أختي
الله يجزاك خير ويوفقك يارب
أرسلي التفاصيل على الخاص
مشكوره

فساتين سهره وسوري عالتاخير←
ملابس شتوية عالمية مع الصور→