مشغل في جدة يعملك ستايل هوليوودي

مرحبا فراشات
مين منكم وبكل صراحة بعد ما تزبطها الكوافيره لمناسبة معينه..تكون راضيه عن شكلها..!!!!!؟؟؟؟
الصراحة انا شبة فاقدة الامل في صالونات المكياج هنا بجدة
لانه اتورطت توريطة معاهم في الصيف اللي عدى
وفي فرح بنت خالتي بالتحديد
ورطوني وجابو مجموعة يعملو مكياج لينا بالبيت
ولاني كنت مسافره ما شفت المجموعة ولا اعرف شي عن شغلهم
ما وصلت غير في نفس يوم الفرح
والنتيجة
كنت عاملة تان
وعملولي مكياج شرقي (اسود مع نيلي) لان فستاني كان نيلي على رأي البنت اللي عملتلي الميك اب
وانا قلتلهم ابغى الوان هادية وميك اب عصري يعني حطو اسود بس واذا مصرين تخبصو حطو فضي بلمعة معاه
قالتلي الاخت بالحرف (( مرة بالغتي))
وعملت اللي براسها
وطلع شكلي تحفه كاني من الف ليلة وليلة
مو باقي غير الذهب واطلع بيللي دانسر واتحدى دنيا الرقاصه
وانا على بالي حطلع
وينبهر مني العالم
..
للاسف ما لقيت احد عجبني في البلد هنا الين دحين
حتى الاخوات العربيات اللي اجيبهم يعملولي يخبصو ام الحكايه
اكيد كثير منكم مرو بمعاناتي
واكيد 70% منكم بعد ما يجهزوهم الكوافيرات ما يكونو راضين عن نفسهم
..
المشكله فرح اختي في 17-11
خلاص ما فيه وقت
وانا تعبت من جد من جد من جد
فين اروح ومن فين اجيب ناس عدله
ولا حتتكرر نفس الكارثه
ودي المرة في زواج اختي
يعني المصيبتو اعضمو ............
يا ليت اللي عندها فكرة تنهي معاناتي
وتعطي غيري امل في الحياة
ودمتم فراشات عالية وسامية
وشامخة..
..
.