مشكلتي اتعبتني والله واتمنى احصل لها حل

حبيبتي تصدقيني لو قلت لج انا قبل اعتني بنفسي كنت نفسها يعني مستحيل يطول شعري
يطول لحد معين ويوقف ويبتدي يتقصف
بعدها قريت عن قص اطراف الشعر بنص كل شهر وانه يسرع نمو الشعر
ونصحتني وحده من رفيجاتي استخدم الكمينو موتو مثل مانزلت عنه موضوع
وهي ماشاء الله شهريا تروح الصالون تقص شعرها لانها تحب الشعر القصير بس تستخدم مسرع النمو عشان تحافظ ع الشعر صحي ويتجدد بالقص
عموما انا استخدم خلطه زيوت
بس اذا هي شعرها خفيف وناعم مره تستخدم الزيوت الخفيف
مثل زيت براشوت وتحط معاه شوي خروع (ثقيل ع الشعر الناعم) وزيت جوز الهند الاصلي الي يجي بتنكه عند العطارين
والزيوت الي تحسها تناسبها واملا حلو \ السمسم \ حبه البركه \ القراص \ الجرجير \ النخاع
وتحط مطحون سمسم محمص
ومطحون نواة تمر (غنيه عن التعريف بانبات الشعر )
تخلطهم وتتركهم بعلبه
تستخدمها يوم ويومين لا
لان الشي لا زاد عن حده ينقلب ضده
وتلبس القبعه النايلون وتبلل فوطه صغيره مويه وتحطها بالماكرويف لاجل تسخن وتحطها لين تبرد على راسها وهكذا مده 15 دقيقه تقريبا بعدها مساج لشعرها
وتترك الزيت من ساعه الى ساعه ونص عشان المسامات مايختنق وتطيح الشعره <<< خووش شرح ماتلاقين منه اثنين ^_^
وبس تغسل شعرها ودايم تستخدم ملطف كان بلسم او حمام زيت
وانا استخدم شامبو ميتال حيل زين وصج يطول << وريته شغالتنا قلت لها تبين مثله بشوفها شنو تقول عنه
فقالت لا هذا يطول الشعر بسرعه والست الهانم ماتبيه يطول ^_^
وتستخدم مسرع نمو الشعر من كمينو موتو وتبشرنا بالنتايج الزينه ان شاء الله
ودام تحاليلها ولله الحمد سليمه يعني يبيلها تغذي شعرها من برا وهم تستخدم حبوب للشعر انا قبل فتره
استخدمت نوع من GNC خاص للشعر بس يكون حبتين باليوم لمده 3 شهور انا استخدمته شهر وحسيت بفرق مع باقي عنايتي وبرجعه مع نظامي الجديد
يمكن الشغلات وايد بس تشيل من راسها الكسل وكل شي بيكون مثل ماتبي واحسن بإذن الله
بس تستمر وهي ببالها انها بتلاقي نتيجه بعد شهر موو اسبوع ولا اثنين
شهر كفيل تحس بالفرق وتقييم النتايج وان شاء الله تنفعها وخليها بالزيت قبل ماتحطه على شعرها تقرا فيه (( بسم الله البديع ))
وهي تداوم على اذكار الحفظ
قال رسول الله صلى الله عليه و سلم (( ما من عبد يقول في صباح كل يوم و مساء كل ليلة : بسم الله الذي لا يضر مع اسمه شيء في الأرض و لا في السماء و هو السميع العليم ثلاث مرات لم يضره شيء
واسفه لو طولت عليج حبيبتي ^_^ واي استفسار زود لا يردج الا الخاص اخاف ماامر على موضوعج مره ثانيه واضيعه

غلايتي يبدو إن شعرك أختك محتاج تغذية خذي حمام زيت دابر وزيت دابر القديم يعني مو تبع الياسمين .. وإذا فيها حيل كمان زيت النارجيل الخايس ابو علبة .. بس لاتخلطها! كل واحد لحالة ! مرة دابر ومرة نارجيل مرتين في الاسبوع ! وخليها تستمر أقل شي 6 شهور عشان تبان النتيجة إذا تبقى الزين تصبر وراح تنبسط بإذن الله