مشكلتي اخت زوجي

1. رح ابد اشرح لكم مشكلتي لكن مني عارفه من وين ابدا ....

السلام عليكم ورجمة الله وبركاته ..........
كيفكم خواتي الفراشات ... لفيت ورحت وجيت ومالقيت غيركم من بعد الله اشكي له الحال لعل وعسى القى عندكم الحل .....

رح ابد اشرح لكم مشكلتي لكن مني عارفه من وين ابدا ....

المشكله هي اخت زوجي الكبيره متزوجه لكن مافكتنا من شرها ابد حاطه دوبها ودوب حريم خوانها كلهم طبعا كلهم سا كنين برى البيت الا انا معهم ساكنه بدور الثاني المهم انا من تزوجت العائله هذي وهي كل بين فتره وفتر تطلع عندي ومن يوم تطلع وهي بس تفر با البيت تبي تشوف نظافته كيف وتدخل الغرفه تبي تعرف اذا انا مرتبتها ولا حايسه من تجلس وعييونها بس تدور وتناظر بحسد وبس يحظكم ابوكم يشتريلكم وانا والله مايشتري لي,, هذا عندكم وانا ما عندي اقول في نفسي انا وش دخلني طيب وهي طول الوقت ياحظكم ياحظكم وتنزل تحت عندهم وتعطيهم الاخبار كلها عن بيتي ووالي شر ينا وكيف كان شكلي ولبسي حتى انها تزيد في الكلام طبعا تملح واذا شافتني لابسه عبايتي على طول تتلقف وين بتروحون ولو استحت ماتبي تسال تاشرلامها تسالني واذا قلت طالعين نتمشى قالو ياحظكم انا ما نطلع وابوكم يمشيكم واذا قلت رايحه لاهلي قالو حشى كل يوم وهي عند اهلها على الرغم ان بنتهم تنام عندنا با الاسابيع ولا عليها لامن زوجها ولا اهل زوجها وانا والله مااروح الا الخميس ونادرا الاثنين بس حسد ما يبوني اروح لاحد بس مقابله وجيهم وياليتني لو قابلتهم طول الايام يسكتون لا الا يدورون على شي يخربون علي فيه من جد العائله هذي في عمري وحياتي ماشفت مثلها حتى ساعات احس انهم مايخافون من الله ولا حسابه مره كان عندهم غداوانا قبلها بيوم كنت تحت وجالسه مع خالتي طول الوقت ماقالت لي ولا طرت شي ويوم جابكره وتدق على بنتها وتناديها وعلى حريم عيالها كلهم طبعا انا ما ادري عن شي دقت على الثابت بعد صلاة الظهر قالت قولي لولدي ينزل يتغدا مع اخوانه قلت طيب وسكرت علمته ورجعت نمت على نياتي والله المهم شوي الا الثابت يدق وارفعها الاهي ام زوجي وتهاوش تصارخ بصوتها كله انتي تبي لك عزيمه انتي شايفه نفسك قلت طيب انتي دقيتي قبل شوي ماقلتي لي ولوني ادري نزلت وتخيلو سكرت السماعه بوجهي المهم اليوم الثاني نزلت ولا كان شي صار وبنتها طبعا موجوده وتنا ظرني وتظحك وانا ادري انها الحركه هذي الي صارت من تدبير بنتها ولا خالتي والله طيبه اعرفها زين ماتسوي كذا عشان كذا رضيت عليها بسرعه .... وتخيلو حركات اخت زوجي بما اني صرت مرت اخوهم مايبوني اكلم اي احد ولا اتعرف على احد اوازور احد بس يبوني لهم ومره تعرفت على وحده يعرفونهامن بعيد وصرت اكلمها وتجيني واجيها البنت عسل مرره ولا شفت عليها اي شي المهم هم صارو يكرهون الحرمه هذي بشكل غريب جدا كله عشانها تعرفت علي ومره جيت بسير عليها قلت لاخت زوجي روحي معي كله خوفن من المشاكل انا قلته ولا.. لا يمه معاملتهم لي كاني شغاله او اردى لمن انزل عندهم وهم متجمعين تخيلو تسلم وهي صاده وجها وتصير تحاول تحقرني باي طريقه وتضحك مع حريم خوانها وتور يهم رسايل وتتعمد تمزح معهم رغم انها قبل ما كانت تسوي كذا حتى انهم حاسين با الي يصير موقفي من جد لا يحسد عليه قدامهم لدرجة اني اطلع فوق واجلس ابكي من القهر واحط حرتي في زوجي المسكين الي ما له ذنب بس من جد حركاتها حدث ولا حرج عا العموم انا ما ابي اكثر عليكم اكثر من كذا بس ان حبيت اذكر لكم كم موقف عشان اوريكم كيف انا عايشه ولا ني عارفه وش اسوي ان هجرتهم ولا عد نزلت زعل زو جي وانا ما اتمنى اضايقه وقلت له كم مره ابي اطلع في بيت قال ما اقدر عشان عليه قرض الزواج ولا بعد خلصه ولا يقدر ياخذبيت لين يخلصه وان تحملت ونزلت اطلع لبيتي وانا العبره خانقتني من تعامل اخت زوجي من جد الصبر له حد وانا صبري وصل حده خمس سنوات صابره
امانه قولو لي وش اعمل وش اسوي مع اخت زوجي النكديه