زوجي وغيرته من اخوه المتزوج وأصحابه اللي فاهمه وعاقله ومتعلمه ومثقفه تدخل بس

1. مشكلتي غيره زوجي من أخوه خاصه ومن أصحابه عامه

السلام عليكم ورحمه الله وبركاته
بعد متابعتي بصمت من خلف الشاشه لقسم الحياه الزوجيه هجري (أنا اعرض مشكلتي ولعلني أجد الحل النافع بإذن الله)

مشكلتي غيره زوجي من أخوه خاصه ومن أصحابه عامه

مواقف كثيره تبين غيرته لي واضح انه يغار بشكل وانا ماافتش وراه بالصدفه اعرف انه يغار ( خلاص حسيت انه ماله شخصيه مو حسيت إلا ماله شخصيه _ تغيرت نظرتي له وشخصيته _خلاص مليت من تقليده وغيرته نفسي يوم من الأيام يسوي لي شئ مثلا" يعشيني بمطعم او يطلعني من نفسه مو غيره من فلان وعلان _ ابغاه هيبه وشخصيه والناس تغار منه مو اهو يغار من الناس )
تعبت
سأعرض بعض من غيرته بإختصار .
اليوم هو يوم الأربعاء وعاده زوجي يسهر الى حد الساعه الثانيه لاكنه أتصل وكنت عند أهلي وقال (تجهزو الحين بجيكم ) كانت الساعه 12 وربع
ركبت السياره وقلت غريبه يابو فلان جاي بدري قال لا بس مليت من الاستراحه :/
سكت انا / لاكن يوم دخلت بيتي وكان اخوه ساكن بالدور الأرضي لقيتهم موجودين طلع الرجال غيران وجاء ياخذني ( المشكله ان اخوه متزوج من سبع سنين واحنا مالنا سنتين )
ومره اتصل يوم الاحد ويوم الاحد مستحيل يتعشى بالبيت لازم بالاستراحه اتصل وقال بتعشى بالبيت انا صار وجهي كذا
قلت حياك الله ومن بكرا اتصلت سلفتي وقالت تعالي تقهوي معاي وسوالف انا وياها وقالت اتصلت ع زوجي البارح وقلت له تعش معاي وجاء يتعشى ؟؟؟؟؟؟؟؟؟؟؟زوجي غار منه وجاء يتعشى معاي (صايره انا فندق )
موقف أخر
أتصل زوجي الغالي بيوم من الأيام وقال (بنتعشى برا وقال باالمطعم الفلاني)
من بكرا اتصلت ع صديقتي زوجه صديقه _ ومن السوالف قالت البارح متعشين بمطعم الفلاني
وطلع الرجال غيران
موقف ثالث /
أتصل فيني مره وقال بنطلع للسوق الفلاني ومن صار بكرا قالت سلفتي اننا رايحين للسوق البارح وطلع نفس السوق اللي قالي عنه
:
( أبغى حل يريحني مليت من ذا الحال اللي فاهمه بذا الامور تفيدني الله يجزاها خير وانا فشلت من زوجه اخوه وش بتقول عنه احسها تضحك عليه وعلى تصرفاته )
.
.