مشكلتي التي خارت قواي بسببها

1. اخواتي مدري من وين ابتدىء


2. ع العموم باختصارها لعلي اجد جواب او حل يشفي غليلي.!!


3. بس تدرون وش الي خلاني اكتب لكم:؟؟؟!!!

السلام عليكم

اخواتي مدري من وين ابتدىء

ع العموم باختصارها لعلي اجد جواب او حل يشفي غليلي.!!

انا متزوجه من 7 سنوات الحمدالله ورزقت 4 بنات ,وزوجي يكون ابن عمتي يعني صلة قرابه واي مشكله راح تاثر ع العائله وهذا دائم احاول اتجنبه في اي مشكله بيني وبين زوجي و احب الملمها وتكون حصريه ,,ولكن قبل فتره في شهر 8 الاجازه ذهبنا انا وزوحي وبناتي لمنظقتنا وكان في استراحه فيها اهل زوجي واعيالهم وزوجاتهم طبعا انا اقرب وحده بالنسب لام زوجي تصير عمتي اخت ابوي ولكني ابعد وحده لها من القلب مع انها دائم تقول انها تحبني اكثر وحده بس احسها كذابه من تصرفاتها وانا بشكل خاص دائم تنتقدني على ادنى شي امام الجميع مع اني ماقصر لا من ناحيه زوجي ولا بيتي ولا بناتي الحمد الله ,احاول اقنع نفسي اقول يمكن تكرهني لانها تحب ولدها بشكل جنوني مع انه الوسطي لها غيره 7 اخوان بس يمكن لانه افضلهم ماديا وتخاف يجي يوم واسرقه وتكون فلوسه تحت تصرفي واحيانا اقول يمكن علشان ابوي وجدتي والعمام دائم يمدحوني قدامها وهذا يضايقها ويزيد غيرتها,,المهم صار خلاف بيني وبين زوجي بسبب سهراته كان هو الوحيد من اخوانه يطلع 9 المساء ولا يرجع الا 8 الصباح ولما المح لها ولا لخواته تقول اهم شي ان ولدي يصلي مابغيت اقول وين يصلي اذا جاء الساعه 8 صلى ليه مايصلي بالمسجد واصلا بناتها صار خلاف بين ازواجهم لانهم يتاخرون الى الساعه 3 الفجر ,,بس وش اقول اه بس ,,وغير كذا ماكان يعطيني مصروف شهري زي الحريم والله انا اشتغل في العقار واصرف ع نفسي وبناتي وبيتي وهو الله بالخير فلوسه ع امه واخوانه ومدرسينهم وانا ساكته ,,وطيعا انا جلست زعلانه عند اهلي مايقارب شهر او شهر ونص كنت انا الي زعلانه بس امه ماخلت احد مادقت عليه وكانت تشوه سمعتي وتقول انا وسخه ولا انتبه لزوجي بس مشغوله عنه ..وتخيلو وهو ماتكلم باي كلمه كاني متزوجه امه ويعلم الله اني من الصبح لا بالليل وانا شغل بالبيت وزوجي ماقصرت معه بالنوم والوضعيات والبس وشكلي وريحتي واكله وشربه وقهوته بالمواعيد تخيلو بغيت انتحر للحظه بس علشان ربي ثم بناتي تراجعت من الغبنه والقهر وكذبهم علي ,بس ان ولدهم قدام الناس المحترم وانا الي فيني العيب والمشكله ..
المهم بعد مارجعت بشهر لاهلي قال بروح البر النعيريه قلت طيب وراح 3ايام ورجع وتخيلو رجع رمى نفسه ع السرير نام بملابسه وكانت ريحة فمه لبن خاثر بس مدري وش هالريحه؟؟
واجيكم اطمر ع الجوال القاء رساله ترحيب لشببكة البحرين وسكتت وانا ابكي
وجاء بعد اسبوع نفس الشي قال بروح مع اخوياي للنعيريه وراح ورجع واطمر ع محفظته والا القاء فلوس بحرينيه وسكتت كذلك وانا ابكي من القهر.
وجاء بعد اسبوع نفس الشي راح وقلت هالمره وش اسوي واروح لاهلي علشان خفت من التفكير ولا اسوي شي بنفسي المهم ماخبرت اهلي لان امي تعبانه بس اخوي الكبير حس وقال زوجك متغير ماتوقع انه بالبر..
المهم وحده من البنات قالت هاتي بطاقه الهويه اجيب لك علمه واذا متزوج ولالا وفعلا قالت زوجك راح بالطلعات 3 البحرين ودبي والكويت بس احس في شي تبي تقوله بس تقول ماعليك عيشي يومك ,
المهم يوم جاء بكيت مثل الطفله وشلت اغراضي وملابسي وقلت بروح لهلي طبعا قال اذا رحتي انتي طالق وتعوذت من ابليس رحت لغرفة بناتي ونمت معم قال من بكرا انا بعوضك بوديك البحرين ورحنا وياليتني مارحت نكد وكان متخوف وبس مخليني بالسينما علشان محد يشوفني ومن بكرا الصباح رجعنا للدمام ماتسوا والله وتخيلو الواحد يدلع زوجته يعطيها فلوس انا كان معي 500 اخذها مني قال فلوسي ماتكف ياذا وصلنا برجعها لك من الصراف ,,وتخيلو في اشياء عجبتني وعطور وبخور بس وش اسوي
مع العلم انه من زمان كذا بس تمشي علي والحين صارت طلعاته بزياده,,وبعد مارجعت من اهلي قال ابوي اخر مره بردكم لبعض اذا جيتي مره ثانيه ماراح ترجعون لبعض وعلشان كذا يحسها نقطه ضعف ويدري اني ماراح ازعل واروح لهلي,,

بس تدرون وش الي خلاني اكتب لكم:؟؟؟!!!

امس الصباح جاء من الدوام 8 الصباح اسمع صوت مكينه الا الرجال نعم الدقن وخفف الشوارب مره كانه معرس
وقلت له انت ليه ماتتزين لي كذا وتعطر ومشا وانا عندي ريحة شيشه بس المهم .جاء من بكرا الي هو اليوم الظهر قال انا بالبر اذا مو عاجبك روحي لهلك اذا بتزعلين قلت م نقال زعلانه بس تكلم جد انت وين؟؟ققال انا بدبي انقهرت مره مره
بس مو هذا الي خلاني اكتب الي خلاني اكتب جلست افكر اقول كل روحاته ماياخذ معه ملابس ولاحتى ملابس داخليه وهو يجلس من يومين الى 3 ايام ؟؟؟
تهقون ان متزوج مسيار وخاصه ان له صديق اماراتي امه مصريه وماعنده الا اخوات كلهم متوظفات ,,وكان من زمان يكثر الكلام عنهم بعكس الان اذا سئلته عنه يلف ويدور بسوالف ثانيه يضيع سؤالي او اي شي اقوله عنه او اذا سئلته عنه مايجاويني
السؤال تتوقعون انه متزوج؟؟