مشكلتي الوحيدة مع زوجي ساعدووني

1. لمن يقولها بس كذا كلام عشان يسكتني

بنات مالي غيركم بعد الله
اي وحدة تقرأ موضوعي تواسيني ولو بكلمة ولو كان يمر عليها نفس الي امر فيه تقولي اش سوت وكيف حلت المشكلة؟؟؟
والله والله اني تعبت ... بدخل في الموضوع
انا خلصت سنة زواج بس كان حلمي من زمان اني اتزوج رجال يشوفني احلى بنت في الكون <<<يعني زي حلم اي بنت
انا ولله الحمد مابي شي من ناحية الشكل .. لمن البس واتصلح واروح زواجات والا في الجامعة
يعني القى مدح احسن من زوجي يرفعولي البنات كثير ويعلقوا على شكلي
وخصوصا انوا اخواتي ماشاء الله حلوين .. وازواجهم مطيرنهم السما لمن يحكوني عن مواقف بينهم وبين ازواجهم احس انوا عن جد ازواجهم فرحانين فيهم <<<الله يخليهم لبعض
وتخيلت اني لمن اتزوج بيسر لي زيهم واحسن خصوصا اني اصغرهم <<<كذا جا في بالي
بس زوجي ما يقولي كلام حلو ما قد حسيت مره قال لي فيها انت حلوة وهي صادقة من قلبه

لمن يقولها بس كذا كلام عشان يسكتني

مرات اتسائل اقول يمكن عشانة كمل دراسته في امريكا وطول هناك ... وشاف فيها العجايب الصفا والبياض والشقار ...وما عاد يشوفني شي بجنبهم ... وهوا ترى مره يهتم بالشكل كان شرطة قبل الزواج يبغى بنت جميلة على قولته
اخذني وهو مقتنع مرره .. واحسه يحبني الحمدلله .. وهوا طيب معايا مره ..بس هذه مشكلتي
انا ما احس اني لقيت ذا الشي في زوجي ساعدوني ... والله لمن اشتكي لاخواتي يصرفوني ويهربوا من كثر ماطفشتهم ..<<<مو حاسين فيه
رجعت قولت والله ما عندي غير انتو الله يخليكم ليه ...ريحوني بردودكم الله يخليكم
واللي ماتعرف الحل تأمن على ها الدعوة
اللهم ياجميل يامن تحب الجمال جملني في عيون زوجي جمالا لا يضاهيه جمال
اللهم وقنعه بي قناعة تامة حتى لايرى سواي
اللهم واستر عيوبي عنه حتى لايراها
اللهم وحببه فيا وفي كل صغيرة وكبيرة فيا حبا جما جما
آآآآآمين يارب العالمين