مشكلتي مالها حل ادري بس ابي افض فض مخنوقه

زوجي باختصار لاصار ولا استوى والحمدلله
وربي عوضني فيه ولله الحمد
وملتزم ومو راعي خرابيط هو وكل اهله هم جيراننا متربين احسن تربيه
اكبر مني ب10 سنين
ومدلعني وشايلني على كفوف الراحه
وماتتصورون ايش قد احبه واموت عليه افديه بعمري وبكل حياتي
وتزوجته وانا مادري انه قد سافر برا مع ولد اخوه حسبي الله على ولد اخوه هو اللي جره للسفر ولا زوجي واخوانه مره ملتزمين وبدو بعد
والوحيد اللي سافر منهم زوجي
ولما تزوجت تكلمنا عن الشباب اللي يسافرون وشافني هاجمت الشباب اللي يسافرون هو هنا خاف وماقال لي انه سافر
وقال لي انه ماقد سافر ابد
عشان صورته ماتهتز قدامي
ولقيت جوازه ولقيت انه مسافر مره بس وانهرت وبكيت وتهاوشت معاه وحلف لي انه ماقد خبص ولا سوى شي حرام
طبعا حلف لي كذب لاني كنت عروس توني اول شهر
والبارح كنا نتصارح وسالته مو معقوله لما سافرت ماخبصت ولا شي
قال لي انا بعلمك انا اول كذبت عليكي انا رحت للمراقص هناك
هين هذه اصلا الرقص باللتلفزيون تشوفونه ماشي فرق
ماهمتني
قلت له اسالك بالله جاوبني بصراحه ماقد عاشرت حريم
قال لي الا مره وحده بس بالكبوت
وحلفته وحلف لي انه هذا اللي صاروانهرت وبكيت وتمنيت الموت قلت عساني اموت ولا اعيش يوم واحد بعد اللي سمعته
وحضني وقال لي غلطه وهو اللي جرني يقصد ولد اخوه وبكيت حسيت اني من جد بختنق واموت وهو يحضني ويهديني
وقال لي كذب والله كذب انا بس بغيت اختبرك
واستمريت ابكي وهو يحلف انه كان يكذب علي
ويقول لي ياعمري والله انتي مره تحبيني لا ياشيخ تو تدري
بس يابنات ماقدرت انام وانسى ولا اصدقه لانه حلف كذب ايش لون بصدقه
حلف مره انه هذا الصدق ومره حلف انه كذب ويمكن خاف علي لاني حامل باخر شهري التاسع
وبالليل فتحت الموضوع من جديد عند النوم نفسيتي تعبت مو قادره انام بس ابكي وانتحب مصدومه الغيره بتقتلني
وقلت له ادعتي عليه انه مايقوم لو لمست وحده بالحرام ودعى عليه انا هنا صدقته لانه دعى عليه اقصد على عضوه
اعذروني بس حبيت احطكم معي بالصوره
وتطمنت ونمت بعد بكاء الين الفجر
وربي بللت فنيلته الداخليه من كثر مابكي لانه حاضني وانا ابكي
المهم ليله طويل انا مو قادره اصدقه ولما جا اليوم لصلاة الجمعه وكان بينام كنت مجهزه المصحف وابيه يحلف عليه
لكن للاسف راح للحمام يعني انتقض وضوئه ومامداني احلفه
وفتحت معاه وسالته بجديه ابي اعرف الصدق وارتاح بس وربي هذا اللي ابيه
وحاول يفهمني انه قال لي الصدق قلت له كيف اثق فيك واصدقك وانت حلفت كذب
واعطيته محاضره عن الحلف بالله كذب
المهم بنات شفته خايف وتردد يحلف عالقران انا هنا خلاص تاكدت انه اللي قاله لي صدق
قلت له انا مابي اجبرك تحلف عالقران ويمكن تحلف عليه كذب عشان تريحني وربي يبلاك بعقوبه افقدك فيها قلت له انا مابي اجبرك ولا راح افتح معاك الموضوع وقال لي طيب راضيه عني
قلت له لاء الا اذا حلفت واعرف طول انك ماعرفت انه قلبي مو مرتاح وتركته ونمت
وهو مو قادر ينام مع انه كان سهران معاي الليله اللي قبلها
واحس اني متاكده من انه عاشر حرمه بكبوت
اه بس وربي اكتب وانا ابكي
رجاءا لاتقولون لي هذا ماضيه ومالك حق تحاسبيه ادري
انا ماحاسبته انا بس مصدومه فيه وفي نفسي وربي ثقتي بنفسي اتزعزعت ظنيت اني الاولى بحياته وطلع العكس
وربي اني اطالع اخوانه واحسد حريمهم عليهم
اقول يابختها ماعرف احد قبلها لاا انا
يابنات لاتلوموني هاللي انا فيه الصدمه شي طبيعي لاني كنت اظن اني الاولى بحياته
زي ماهو الاول بحياتي
طيب ليه انا مالمسني قبله احد
حرام اخذ واحد زيي لي لوحدي
لاتجرحوني بردودكمن انا حامل واللي فيني كافيني
وتوه يابنات اعترف لي وبكى معاي وقال سامحيني ادري ماراح ترجع حياتنا زي اول
وادري عذبتك
يقول لي انا قلبي يتقطع وجالس اتعذب لما اشوفك تبكين
ودي اشوفك تضحكين زي اول
وقال لي يابنات ايش لون عرفها يقول كنت ذيك الليله مارحت للمرقص مع ولد اخوي وجلست بالشقه
ودقت علي الباب وعرضت نفسها علي ويقول رميت نفسها علي وكانت لابسه جينز
واخذت مقابلها 200 رال سعودي
يابنات امنوا معاي
الله ياخذ روحها وهي تزني يارب الله يجعلها بالمرض اللي ماله شفا
وكمان قبل لايجيها اعطته الكبوت يلبسه
قتلني يابنات انقتلت
انا الان خلصت شهري التاسع وانتظر الولاده ولا بيولدوني بطلق صناعي خلال اسبوع
ونفسيتي جدا سيئه مو فرحانه بالولاده
يابنات زوجي تاب ومتعذب مابي ازيد عليه لكن انا ايش اسوي بنفسي قولوا لي كيف انسى