مشكلتي مع أم زوجي انتظر رد دبلوماسي

1. السلام عليكم اخواتي الفراشات وكيف حالكم؟


2. وبعد للحين ماوصلت لمشكلتي !


3. ولاأحد يلومني لأن مافي حل الا كذا واسمعوا كلامي للآخر


4. وصرت على هالحال سنتين تقريبا


5. اما اللي صار الحين !

السلام عليكم اخواتي الفراشات وكيف حالكم؟

قصتي باختصار انا متزوجة من 7 سنوات وعندي بنت وزوجي من النوع بتاع ماما غير عن اخوانه اللي هم سبعة اخوان وأمه اللي هي عمتي متسلطة وشخصيتها قوية يعني تريد ابنها ( زوجي) دايما معاها ويشوف متطلباتها وكل كلمة ينفذها لها ويطلع من العصر ومايجي الا بالليل لأن عمتي ماتكفيها وجود ابنها ساعة لو ساعتين تباه اكثر من 3 ساعات معاها ....

وبعد للحين ماوصلت لمشكلتي !

اول ماتزوجت كنت كل يوم اروح معاه واذا صار يوم تعذرت او انشغلت قامت تلبلب علي وتتكلم علي
وطبعا كان يوصل لي الكلام زوجة حماي ( تسموها انتوا سلفتي ) وطبعا ماكانت تكذب لأن عمتي اعرفها زين وكذا مرة اواجهها بالكلام اللي تقوله وضليت على هالحال يمكن 5 سنوات لين صارت مشكلة كبيرة أثرت على حياتي الزوجية ورحت بيت اهلي شهر كامل وزوجي خاصمني وعمتي كانت تشجعه وزوجة حماي كانت تتصل فيني وتقول شنو صار وشنو قالت عمتي لين مارجعنا لبعض عشان بنتي ..
وبعد للحين ماوصلت لمشكلتي !
ولما رجعت لزوجي قلت له ان زوجة اخوك قالت لي كذا وكذا وانا حسيت ان ابغي انهي مشاكلي اللي ماودت ولاجابت غير التعب والبلاوي ..
وأصريت اني ماكلم زوجة حماي بسبب طبعها اللي يودي ويجيب ويسوي المشاكل وخاصمتها بالفعل

ولاأحد يلومني لأن مافي حل الا كذا واسمعوا كلامي للآخر

وطبعا فرحت عمتي كثير لأن علاقتي بزوجة حماي كانت تقهرها ودايما تقول اي ماتخبي شي عن رفيقتها وكانت عمتي تغار من هالشي
على العموم عمتي جت بيتي زارتني بعد ما رجعت بيت زوجي وانا فرحت لأنها حست انا كنت مظلومة بالرغم هي ماكسرت نفسها تقول لي شي او تعتذر بس جت سوالف عادية وعرفت هي ان زوجة حماي هي سبب المشاكل كلها .. وزوجي كان يقول لها زوجة ابنك سوت كذا وقالت عنك كذا ! يعني حتى زوجي أيدني وتركت زيارة بيت عمتي خوفا من اني الاقي زوجة حماي هناك وتهاوشني لأنها تحلفت فيني كم مرة وهاوشتني قدامهم ومرة كان عيد ميلاد بنتي اتصلت في عمتي وكانت تبغي تجي تخرب الحفلة بس عمتي ماقالت لها الحفلة وين !
ومن يومها جلست ببيتي وعمتي اتفهمت ان سبب عدم زيارتي لها هو زوجة حماي وماكانت عمتي تهدر علي مثل قبل ولاكانت تجيب طاريي على فمها أبد .. وانا ارتحت ببيتي ولاصرت اروح لهم ماعدا زوجي طبعا يروح كل يوم لأمه وبصراحة حسيت ان مشاكلي كلها انتهت زوجي يروح وانا اقعد بالبيت ياتحضير دروس لأني مدرسة او اني اطلع بسيارتي اشوف مشاويري واخلص اشغالي وكنت الحمد لله بنعيم وراحة واحساس لايوصف لأني انهيت روحاتي لعمتي ولااشوف فلانه ولاعلانه

وصرت على هالحال سنتين تقريبا

اما اللي صار الحين !

توفى عمي ( أبو زوجي) بسكته قلبية وطبعا او ماسمعنا الخبر رحت انا وزوجي على طول بيت عمي وشفت عمتي هناك وحمواني وسلمت على عمتي وحبيت رأسها وهي فرحت لما شافتني وهناك شفت زوجة حماي بس ماسلمت عليها لأن لو سلمت عليها عمتي بتنقهر ( مثل ماقلت لكم شخصيتها كذا) وخفت تسويها لي مشكلة لكن زوجة حماي ماسكتت وضلت تقول قدام الكل اللي في قلوبهم حقد وبغض ومايسلمون هذا السلام على الله والرسول و انا الله يعلم خصامي لها مو حقد عليها لكن هروبا من المشاكل وهذا كان العذر الوحيد لي اني مااروح بيت عمتي لاني ادور راحتي
المهم في فاتحة المرحوم رحت قعدت صوبهم ماشفتها الا تقول لي انتي ليش ماتكلميني وانا شسويت لك؟ قلت لها بصراحه انا اعتبرتك اكثر من اخت لي لكن من تشوفيني تحاولين تستفزيني وهذا اللي خلاني اتراجع ومااتكلم معاك كل مرة .. لكن صرت اتكلم معاها عادي ورجعت مثل أول بس مازلت اتحاشى ان عمتي تنقهر منا وكنت اذا قعدت شوي معاها بعد فترة اقوم واروح صوب عمتي عشان ماتصير لي بلبله
المهم من هنا مشكلتي تبدأ !!!!
الحين لما رجعت علاقتي بزوجة حماي يعني ماعندي عذر لعدم ذهابي الى بيت عمتي
وانا كنت مرتاحة هالسنتين وانا من النوع اللي ماتحمل ضغوطات ومشاكل اتعودت هالسنتين اقعد بيتي واشوف مشاويري بروحي ولاقيل وقال وخصوصا بيت عمتي ملئ بهالسوالف اللي تعور الراس
الحين ابغي سبب دبلوماسي ومقنع يقنع عمتي ان ليش ماابغي اروح بيتهم كل يوم مثل قبل
يعني بروح لها مرة كل اسبوعين او شهر بس مو كل يوم لأني خلاص اللي صادني مااقدر أنساه
بنات ارجوكم ساعدوني ابغي ردود الدبلوماسية والسياسية تحطوها هني وتعرفون العمات كيف ومايمشي عليهم أي كلام !!!!!!
بانتظار ردودكم