مشكلتي مع الثلج

1. أسعد الله جميع أوقاتكم يافراشات


2. أبغى أشوركم في حكايتي مع الثلج

أسعد الله جميع أوقاتكم يافراشات

أبغى أشوركم في حكايتي مع الثلج

من قبل لأتزوج من 6 سنين وأنا أكل ثلج من القوالب أو أثلج نص قارورة المياة الصحية وأكسرها في رخام المطبخ ( وأسمعوا الأزعاج تقولوا منجرة ) وأكل منها وكان جسمي ماشاء الله حلو مثل ماهو لا فيه زيادة هن ولا هناك و حتى لمن تزوجت كنت أخلي زوجي يروح العمل وأقوم أطلع القوالب وأكل منها (حتى لا يشوفني و يقول تزوجت وحدة من القطب الشمالي )وبعد ما جبت بنتي الأولى زاد وزني من 55 كلغ ل 80 كلغ وطولي 156 سم وزوجي لاتعليق وإلى أن توحمت على بنتي الثانية كرهته ولي سنه و10 شهور وزوجي قال لا ترجعي تمتني ( تصيرين دبه لأنه تعب معاي في السوق والدوران ورا الملابس الواسعة ) ومن شهر ربيع الأول/ أبريل وأنا أطلع القوالب الصغيرة وحتى قالب الثلج حق الترمس ( خزان الشرب للبيت) أخليه بالترمس وشوي اطلع يكون ذاب ثلاث أرباعه وأكله بالحوش علشان زوجي لايشوفني وقمت أعبي قوارير المياة الصحية بعد ما أصب اللي فيها في زمزمية بنتي للمدرسة وأعبي نصها وأحطها بالفريزر وأثلجها <<<<<< رجعت حليمة لعادتها القديمة بقوة
ولمن زوجي أكتشف أمر الثلج مرة يقولي صرت مربربة ومرة يقولي بدخلكي نادي صحي وأنا أقوله لا بشتري جهاز أوربت ترك الجديد وهو رافض علشان الثلج يقول(( كأنك يابو زيد ما غزيت )) وأنا فعلا قبل أسبوع مرضت من اللوز لأني جيت من برا وحرانه موت وأكلت ثلج والمكيف في وجهي على طول اللوز مورمه وعلى 3 أيام وأنا مسخنه وما أقدر أبلع ريقي قام زوجي طلع قوالب الثلج كلها حتى حقت العصير الملونة اللي بالأشكال قلوب ومثلثات ورماها المهم قام يخاصم على راسي من سبب الثلج ويقولي هو اللي متنكي هو اللي خلاكي كذا الشحوم تتراكم في جسمك وأنتي بس تسكتين طيب أيش أسوي بدون إرادتي أروح له وقال كلمته اللي نزلت زي الجبل على راسي ((( وبيرجعكي لل 80 كلغ )))وحتى وجهي ما شاء الله تربرب وصار لي شي زايد تحت دقني حتى بنتي لمن ألبسها ملابس المدرسة تقولي ماما ليه عند دقنين واحد مكانه من أول وواحد تحته
المهم أيش أشوي والله لا شعورياً أقوم وأفتح الفريزر وأدور حتى لو أخذ من عند أهلي وصارت حتى أمي تخاصمني قلت يمكن حبوب سد الشهية إذا أ ستخدمتها تكفيني شر الثلج أيش أسوي الله يخليكم مرة حازة في نفسي كلمات زوجي بس ما يشجعني على الرياضة أو يخليني أورح الممشى حتى ما يخليني أدور على العمارة بالكذب ... وأنا الحين فطمت الصغيرة علشان أتفرغ للرجيمات المناسبة لأني جربت رجيم الشوربة أول يوم حسيت بدوخة مرة وما قدرت وخفت أنه يأثر عليها فتركتها والحين أبغى أرجع لها بس لو تركت الثلج إن شاء الحمن وبشجيعكم لي ...... وهل للثلج دور بزيادة وزني .
أنا وزني الآن 73 كلغ أعطوني أرائكم يا فراشات ...
مع االسلامة