مشكلتي مع زوجي واسوني الله يفرجها عليكم

1. السلام عليكم ورحمة الله وبركاته


2. الله يسعدكم خففو عني يجيني اوقات اقول انا ليش عايشه معه؟؟!!


3. وليش اتحمل كل شي؟؟

السلام عليكم ورحمة الله وبركاته

بدخل في مشكلتي على طول ,,, انا مره متضايقه من زوجي لدرجة توصل اني احقد عليه واتحسب عليه بيني بين نفسي ,,صراحة ماعرفت لزوجي,, اذا طلبته شيء يخصني او محتاجته يرد علي بخير ان شاء الله وبعدها مايفتكر ,,واذا قلت له يقول ذكريني واذا ذكرته يقولي ياالله يالذنب لاتخليني مااجيب لك اللي طلبتيه,,غير كذا بعض الاحيان اذا جيت اطلبه يعصب علي ويقول ماتعرفين تختارين الوقت المناسب,, حاولت انه ماافتح معاه اي موضوع الا اذا صار رايق ومبسوط ويضحك تخيلو انه اذا فتحت معه موضوع او طلبته طلب وهوه مروق يقولي نكدتي علي ماتعرفين تختارين الوقت المناسب , يعني لا وهوه مشغول يناسبه ولا وهوه صاحي من النوم يناسبه ولا وهوه مروق ومبسوط يناسبه,, رجعت قلت له خلاص اوكي اذا سرت انت رايق نادني وقولي ايش تبغين وايش نفسك فيه,, يرد علي بخير ان شاء الله او مايحتاج انتي اعرفي بنفسك جني,, غير كذا مطالبي كلها تتأجل ,, يعني كم صار لي وانا اطلبه يصلح حاجات في البيت خربانه,, والى الآن ماعمل منها شي كل مره اطلبه يقولي حير ان شاء الله, مع انه اغلب وقته بس جالس عند التلفزيون مو مشغول ولاشي ولو عماني طلبو منه شي يعدله في بيتهم على طول يعدله,, طيب يعني وبيتنا مو مسئول منه؟؟..
غير كذا مره مايخرجني يمشيني واذا طلبته السوق ماينزلني يقول مايحتاج مع انه في حاجات كثيير احتاجها,, تخيلو البيت كان ناقصه طاولات وناقصني في المطبخ اباريق شاي وصحون تقديم وناقصني دعاسات,, عمتي ام زوجي جابتها ليه كهديه,, ووحده من اخواته اشترت لنا الدعاسات وارسلتها مع عمتي,, حلوه الهديه بس وربي حزت بخاطري,, ليش يعني مانزلني السوق وخلاني اشتري ,, يمكن تقولون ماعنده فلوس او مديون بقولكم انه انا عندي واكثر من مره قلت له بننزل وانا من عندي الفلوس بس مايبغا ينزلني السوق,, بتقولون مايحب ياخذ منك فلوس ,, بقولكم انه بالعكس عادي عنده ياخذ اذا احتاج,, بس المسأله انه مايحب يطلعني لاسوق ولاغيره,,
انقهر يوم اشوف اخواتي ازواجهم ينزلونهم حتى الصيدليه والسوبر ,, وانا الصيدليه والسوبر عنده من المحرمات,, اذا السوق العادي ماينزلني يحس انه ماله داعي,,, مره وحده نزلني بن شيهون عشان اشتري منه كم غرض ناقصتني لان الجيران كانو بيجون زياره لعندي,, واذا خرجنا برا المنطقه اللي احنا فيها ينزلني السوق,, لكن في نفس المنطقه احلمي ...
بنات وربي خاطري جدا مكسور ومقهوره وماصار لي رغبه انه اقدم له اي شي اذا حاجات اطلبها منه مثل يجيب لي شريحة جوال مفوتره يماطل صار لي سنه وانا اطلبه وهوه خير ان شاء الله وياخذ كرت العايله والى الآن ماجاب لي,, وغير كذا مره صارحته انه ابغاه يخصص لي يوم يشوف انا ايش ابغا وايش ناقصني او ناقص البيت عشان مااضايقه ولا افتح معاه موضوع وهوه مو مروق فأزعجه,, تضايق مني وصار يقول انا يبغا لي اغير معاملتي معاك عشان تعرفين كيف الواحد يصير مقصر مع زوجته ,, يعني كل هذا ويشوف نفسه مو مقصر,, بس عشان اذا طلبت مستشفى يوديني او اذا طلبته اكل للبيت يجيب,,واذا طلبته اروح لاهلي يوديني
غير كذا يابنات ماينام معايه بنفس الغرفه,, ينام عند التلفزيون يقول انا احب كذا,, وتناقشنا اكثر من مره قالي انتي من النوع اللي يتحرك كثير على السرير قبل ينام فتقلقين نومي سرت اروح انام قبله عشان يدخل ينام اصحا الاقيه نايم عند التلفزيون,,
بالمختصر المفيد مو مهتم مني ,,واذا قلت له انه هالشيء يضايقني يتضايق مني ومايبغاني اقول شي,, بعكس هوه اذا قلي هالشي يضايقني فيك اعدل من نفسي واغير عشانه ..
اليوم يابنات طننشته,, عارفه انه كان جوعان ويبغا اكل في العصر بس طنشته ورحت نمت,و جا المغرب يفتح الباب عليه ويشغل النور عشان اصحا صحيت صليت ورجعت نمت لساعه ثمانيه ونص وكله نكاده فيه,, نفسي يحس كيف اذا الواحد تمنا شيء من الثاني يقدمه له و مو اي شي خصوصا اذا هالشي من حقه انه يقدمه له والثاني اهمل فيه او طنشه او اجله,,

الله يسعدكم خففو عني يجيني اوقات اقول انا ليش عايشه معه؟؟!!

وليش اتحمل كل شي؟؟

اعطوني امل انه رح يتغير ,, والامل بالله كبير ان شاء الله ,, بس حابه تواسوني الله يسعدكم.. جدا محبطه خاصة انه اختي كلمتني بتروح مع زوجها للسوبر عشان ياخذو اغراض .. وانا زوجي ماصوره تندي عند غسالة الملابس والى الآن ماصلحها ,, احس بس عشانه انا اللي اطلب منه ..كأنه مايبغاني اقوله سو هذا اوجيب هذا,, مع اني اجيبها بأسلوب حلو وادعي له واشكره اذا جاب لي شي حتى لو كان شي تافه,,