مشكلتي مع زوجي ومع نفسي ومع حياتي كولها

السلام عليكم...
انا بكتبلكم بسررعة عشانا افكاري لاتطير...
بقلكم كل شي عني بالبداية عشانا تكونو بالصورة...
انا عمري22سنة وادرس بالجامعة..وعندي ولد عمرو سنتين الله يخليه ليا يارب...
زوجي عمرو 28..متزوجة من 5 سنوات ولله الحمد...
الموهم..انا مرة رومانسية..يعني احب الدلع والحب والرومانسية..بس مو هادئة...
يعني فرفوشة ودلووعة بس قدام اللي اعرفو واللي مااعرفهم يعني بكون هادئة ويحسبوني شايفة نفسي...
سارلنا فترة انا وزوجي طول النهار زعلانين من بعض..وربي حياتي اتغيرت مرة...
موزي اول مااتزوجنا حاتقولو اكيد اول الزواج راح يكون غير...بس انا مابى كدة..
انا ابى حياتي تكون ع طول حب ودلع..وحركات
زوجي مرة كان يدلعني ويحضني ويجلس معايا والله كان لما ااخرج كل شوية يتصل انا الوحيدة
من بنات عمتي واخواتي واخوات زوجي اللي زوجها يتصلبها كل شوية يطمن عليا ويعطيني بوسة ويقفل...
كونت اسمع تعليقات من اخوات زوجي يحسبوني انا اتصل باخوهم وارمي نفسي عله..
الموهم من كم شهر كدة مني متزكرة بدات المشاكل حبة حبة..وربي اساسا مافيش مشاكل..
نزعل من بعض ع اتفه سبب تخيلو...اعصابنا سارت ماتتحمل ولاشي..طول وقتي منرفزة عليه وهوا كمانا...
ماديا مو مقصر بس معنويا اه ياقلبي بس...
والله كان يجي يبوسني من حالو دحين وربي النعمة ازا باسني وحدة مرة بالاسبوع نعممة..
حتى لما يبوسني سرت احس بقرف..حتى لما يجي يحاول يقرب مني والله شي يصدني
ست اشك فيه مع اني ملاحظت عليه اي شي مو كويس بس كدة سرت اشك في ظلي...
حتى الجنس سرنا وحدة بالشهر....؟؟؟؟؟؟ وده الشي مزعلني مرة...
يابنات زوجي بعد عني مرة مني عارفة السبب..لما اقلو كدة يقلي انت يتهيالك...
تصدقو افكر اطلق منو..بسبب انو بعيد عني..انا لسه صغيرة وفقدت طعم الحب
بعدين لما ااكبر ايش يسير..؟؟؟؟؟
قعدت اتكلمت معاه اكتر من 50 مرة..بس مافيش فايدة..وربي سرت احس اني اكرهو...
انا خايفة يكون فيا عين والله حاسة كدة...
قبل شهرين جسمي كلو طلع فيه حبوب وحساسية واتشوه...ودحين اكتشفت بق بفراش غرفة نومي..
وسررت احس بضيقة والله حالتي صعبة..حاسة ماكتبت مزبوط..
بس مني قادرة ارتب افكاري..من جد تعبت منو...
افتكرت شي..زوجي يحب ادلعو مرة بس انا بطلت ادلعو..وربي سرت مااباه والله سرت انفر منو بشكل مو طبيعي
حتى بعض الاحيان ابى احضنو في شي يصدني وانفر منو زياادة...المشكلة هوا مو حاسس اني انا اتغيرت بعد عني يابنات والله...
كيف اعرف ازا معيونة..؟؟؟؟
الله يخا=ليكم ساعدوني انا ماابى اقول لاهلي عشانا لايقلقلو عليا..