مشكله بسيطه بس تعجبني ردودكم ياأغلى فراشات

مرحبا يافراشات ................الصراحه يا فراشاتي أنا سعيده جدا بانضمامي معكم لله الحمد والمنه كل يوم أستفيد من مواضيعكم و بالأخص ردودكم الرائعه جدا تعجبني كثير وانبسط منها
المهم ....بطرح عليكم مشكلتي وهي اني كنت دايما في أوقات النرفزه والغضب أقول لزوجي انت ماتحبني انت ماتحس انا آخر اهتماماتك أنا انا وانت وانت . والمشكله انها على اسباب تافهه لدرجه ان زوجي قال لي كم مره اقول لك لاتقولين كذا وانتبهي لاتشكين ولاذره في حبي لك وقال لي هالاشياء ماتقيسينها على حبي لك .
ومره من المرات حصل ماحصل وقلت له انت كذا و....وقال لي انت تحسبين اللي تقولينه هذا شي سهل وهين.وانا من وقتها انتبهت لنفسي وتندمت حيل وقلت معاه حق.
بس والله العظيم ماكنت أقصد كلامي وماكنت أعي هالكلام ابدا واكتشفت اني غلطانه واعتذرت له بعدين عن سوء تصرفي.
والحمد لله انا الحين ماعدت اقوله هالاشياء يعني(تبت)وسؤالي لكم ياحبيباتي تتوقعون انه ينفع يعني مافي في قلب زوجي علي شي ؟؟ يعني ممكن أبدأ من جديد.وأهم شي عندي زوجي الله لايحرمني منه.
أنتظر ردودكم الحلوه والمفيده.أتمنى ماتخيبوني .