مشوار الألف ميل يبدأ بخطوة يومياات

باك لما بحثت كثير بالنت لقيت انو نوع جسمي ( السمنة العلوية ) هي اجسام كظرية او مثل مايقولو جسم التفاحه ،،
ما ساقوم بعمله في هذا الرجيم هو عدم تناول الاطعمة التي تحث الغدة الكظرية وزيادة الاغذية التي تحث وتوي الغدة الدرقية والنخامية ويكون ذلك بالامتناع عن تناول اللحوم الحمراء والاجبان كاملة الدسم والاطعمة المملحة وهي التي تحفز الغدة الكظرية ،،،
والاهم من ذلك تناول كميات كبيرة من الخضروات الطازجة والحبوب الكاملة ومنتجات الالبان قليلة الدسم وكميات قليلة من القهوة والشاي
وقليل من السكر ويجب ان تحصلي على البروتين اللازمة لجسمك من الدجاج والاسماك ...
يعني أنا على كيفي رح أسوي ريجيمي أدخل فيه نظام التخفيف كمان جمعت عدة أنواع ريجيمات صحية لهذا النوع من الجسم و بدي أنسق لأتحصل على ريجيم صحي و متكامل حتى اقدر أكمل مشوار الألف ميل << مصدقة حالي خ
يعني ما في ريجيم محدد رح اكتبوا هون كل يوم في الليل بكتب يومياتي و شو أكلت
بالنسبة للرياضة الله يحفظلي الغالي أبوي اشترالي جهاز رياضة << مدللة أبوها
أنوي باذن الله أسوي نصف ساعة على الجهاز شوية تمارين بالحبل و تمارين متنوعة حتى ما اضجر يمكن صعود و نزول الدرج
جهازي بيشبه لهيدا الجهاز << ان شاء الله أداوم عليه
بحاول أنط بالحبل بيقولوا بينحف << 20 قفزة كافية برأيي
كمان أنا اشتريت كريم زين الاثاث للتنحيف
عم يقولوا مليح شو رأيكم << لأنو في بعض الانتقادات بشأنوا
لي رجعة غدا ان شاء الله

ي حياالله ي مايا
نورتي مكانك
متابعه لك

الله يوفقك يلا شدي حيلك جسمك تقريبا مثلي

شكرا بنات ردودكم بيشجعوني
اليوم الصبح الفطور حبوب الافطار نسكويك مع حليب خالي الدسم
النسكويك << حبوب كاملة و فيتامينات و نسبة قليلة من السعرات يمكن لما أكمل أحول ل فيتنيس
شربت ما بين الوجبات ماء فقط << عطول كنت باكل بين الوجبتين
الغداء كان شوي من راس الخروف و حبة متوسطة الحجم بطاطس مسلوقة و نصف خبزة
لي باك بعدين

بااك أنا سويت رياضة حوالي 20 دقيقة بس بالجهاز و شوية حركات
لأنو رجلي كتير وجعتني لهيك وقفت ما كان بدي اجهدها اصلا أنا الي فترة كبيرة مو مسوية رياضة
بزيد بالتوقيت تدريجيا لوصل للساعة بعطي نفسي 5/10 للرياضة
شربت بعدين كاسة شاي لبتون
و ع العشاء بسكويتة و كاسة عصير اورانج و تفاحة صغيرة الحجم
كان عندي مشكلة كبيرة كيف ما آكل بين الوجبات و تخطيتها اليوم بنجاح بعطي لليوم 8.5/10

بالتوفيق حبيبتي
ما في شي مستحيل كله بالارادة القوية والمثابرة توصلين للي بدك ياه ان شاء الله

الله يوفقك ويقوي عزيمتنا كلنا . متابعه لك وبقوه

شكرا كتير بنات منورين الموضوع لا تحرمونا طلتكم
اليوم ع الفطور علبة أكتيفيا و قطعة بسكويت فقط
و ع الغدا بطاطا ب صلصة حمرة و حوالي النصف خبزة
و هلأ شربت كاسة شاي لبتون
يوم الأحد هو اليوم الوحيد الأوف من الرياضة لهيك ما بسويها اليوم
دمتم بعافية

باك
ع العشاء اليوم سلطة فيها جزرة كبيرة مبشورة و فلفلة نصف مشوية و بيضة مسلوقة
رشة ملح و قليل من الخل على الجزر
الفلفة النصف مشوية شفتها ب الشوب قلت أجربها بس ما حبيتها << ما بنصحكم تجربوها
كمان كاسة ياغو << ياغورت بطعم الفراولة
كمان قطعة خبز