مصافحه اولى حنان للجراح

تحية طيبة
مصافحة اولى مني لكم
كنت ساهي طول عمري مبدل شري بخير
انقل همومي ليومي واصطبح فيها معايه
كل ماجيت اتفاءل كل امانيي تطير
كثر ماالحقها تعبت ولاوصلت لمبتغايه
اتعبتني واهلكتني واعسرتني فالمسير
وراح عمري حتى اني صرت افكر في عزايه
لين جاء يوم واحس ان فيه شي به خطير
مدري وشهو بس احس انه ينازعني حشايه
شي يشبه للزلازل صار يلعب في الضمير
حتى اني امشي مدري وين ترسي بي خطايه
شي يشبه للرعد والبرق والوبل الغزير
لين فجاه كل شي صار هادي في مدايه
وانبعث عطر يشابه لانبعاثات العبير
وكن كل شي تعطر بين ارضي وسمايه
مدري وشلون انتقلنا وسط بستان نظير
كل شي فيه زاهي مثل اساطير الروايه
وبين اغصان الشجر صوت وكنه لي اثير
طل زول ياالهي من جماله قلت ايه
في محياه ابتسامة ثغر مولود صغير
(هي كذا بس ابتسامة) بامر ربي بدون غايه
الطف من النسمه بليل على جال الغدير
وامتع من مشاهد الفجر الربيعي فالبدايه
بكل بساطه هي حنان يكفي هالكون الكبير
هي حنان وغرست في قلبي المطعون رايه
رموشها جنود الخدود الناعمه مثل الحرير
والشفايف كالكرز من دون مكياج ومرايه
قلت يا بعد المساياوردة الغصن الخضير
وليت ماجاء ردها لي وما تعلقت بمنايه
صرت كل يوم انتظر والوقت جبار وعسير
وان لمحت ظلالها فاضت شجوني من عنايه
كل ماردت سلامي ارتبكت وقلت خير
ماخبرت اني جبان مير مدري وش بلايه
ماعرفت اسباب خوفي وليه هي من جد غير
وليه كلما اقبلت صرت اتلفت من ورايه
كنت ساهي طول عمري مبدل شري بخير
لين صارت من همومي واصبحت هم معايه
منقول