مطلقة جديده رحبوا فيني

أستغفر الله العظيم.

:(

ياعمري الحياه ماتوقف عند رجال
كمليها وعيشي يومك وانبسطي واذا ربي كاتب لك افرحي اصابعك مو سوا
بعدين بتغيري رايئ وانا ماصدقت جاني عريس
الله يسعدك ويكتب لك الي فيه الخير

هلا فيك يآقلبي
وأنآ بعد مثلك جديده ونفس وضعك وأصعب منك بعد
لإن عندي بنت ,, هي الخآسر الأكبر وهي اللي مضيقه صدري أكثر شي
وش ذنبها تعيش مشتته في عز حاجتها لأم وأبو وبيت دآفي ,,
بس الحمدلله على كل حآل ,, من يدري , يمكن تطلع أحسن من مليون وحده عاشت بين أمها وأبوها
وهذا ظني بربي حبيبي ( :
صح أن الطلاق شي صعب وأبغض الحلال
لاكن لمآ يستشعر الإنسآن أنه أبتلاء من ربي وأختبآر لمدى صبره وقوة إيمآنه
يهون الموضوع كله ..
شوفي الصحابيات قبلنا تطلقوا ومع هذا مآقآلوا ليش ربي كتب لنآ الطلاق
وحنا أخير الحريم .. !
صبروا ونآلوا وعوضهم ربي خير ..
اللي أبي أوصله لك يآقلبي .. عليك بالقرب من الله
والله ثم والله أن تعيشين سعآده مآبعدهآ سعآده
والله لازوج ولاأهل يقدرون يوفرون لك السعاده الحقيقيه
مهمآحآولوا ومهما سوو ( :
هذا شي والشي الثآني تآكدي ربي بيعوضك خير
ودآيم تذكري الآيه الكريمه (وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ)
يعني ربي رآح يغنيه ويغنيك ..
وهذا شي معروف ..
وخليني أقولك قصة بنت عمي وحبيبتي
تزوجت وجلست عشرين يوم مع طليقهآ
وطلع مريض نفسي !!
وكآن يتصرف تصرفآت غريبه وأكيد أنتي عآرفه عن المريض
النفسي كيف يتعآمل مع الغير ووش التصرفآت اللي يسويها
خصوصا إذآ كآن مريض من سنين
الله يستر علينا وعليه ويشفيه ويسامح أهله اللي غشو
الناس !!!
وطلعت وطلبت الطلاق هي وأهلها بسبب الغش وطلقها منه الشيخ
وتعبت نفسيا بغت تموت في البدايه
وكانت تحبه !!!!!!
والله ثم والله أنهآ صآرت تآكل حبوب إكتئآب ..
وكل عايلتنا أنصدموا وحزنوا على قصتها
المهم بعد طلاقها بسنه ..
عوضها ربي بالوظيفه وهي مآمعهآ إلا شهآدة ثآنوي فقط
ونسبه مآتدخل الجآمعه .. سبحآن الله
قسم بالله النآس أنهبلوا كيف توظفت وظيفه زي كذا وبهالسرعه
وهي مآمعهآ الا ثانوي ادبي نسبه قليله وبناتهم جامعيات
وشهادات كمبيوتر ومع هذا جالسين في البيت مآلقوا شي أبد !!!
مآشآء الله تبآرك الله الا لايضرها يآرب ..
وبعدها بسنتين أنخطبت من مطلق بدون أطفال شباب كبرها
ومبسوطه ماشاء الله وألحين حآمل في الشهر السآبع الله يهون عليها ..
سبحآن الله سآلفتهآ زآدتني إيمآن وقرب من ربي ويقين بأن ربي
مآيآخذ شي ألا ويعطي أحس منه ( :
بس أحنا البشر نستعجل رزقنا ونبي كل شي يجينا بسرعه بدون صبر وتعب
أضحكي وتفآئلي وأحسني الظن بالله وقولي بكره أحلى بإذن الله
دآيم قولي لنفسك ربي سبحآنه بيعوضني مثل مآعوض غيري ( :
والطلاق مب نهآية العآلم ونعمه كبيره كبيره أنك مآحملتي منه ( :
الله يوفقك ويسعدك ويعوضك بالزوج الصآلح اللي يسعدك ويشيلك في عيونه
ويكون عون لك في دينك ودنيآك ( :
دعوآتك يآقلبي ..~

وعلى فكره يآقلبي
شعورك جداً طبيعي أنك كرهتي الزوآج ويمكن الرجآل كلهم بعد !
وتحسين كلهم كذآبين وخونه ومآلهم أمآن .. !
وهذا الشي تحس فيه كل وحده في بدآية طلاقها ( وخصوصآ أول سنه بعد الطلاق )
بس بعد كذا بتتغير نظرتك صدقيني وبتحسين أنك غلطآنه ( :
وأن أصآبع يدك مو سوآ .. مثل مآفي رجآل سيئين في رجآل طيبين
وألا كآن مآشفتي هالبيوت كلها مستمره وأغلب النآس متوفقين ومآشين
فكري بإيجآبيه .. وبتتغير نظرتك ( :
وأعتبري زوآجك الأول تجربه تعلمتي منها الكثير لدنيتك ولزوآجك الثآني بإذن الله
ويآرب أشوفك عروسه نهآية هالسنه وبكرشتك بدآية السنه الجديده ( :

فلفوله
بعدين بتغيري رايئ وانا ماصدقت جاني عريس
الله يسعدك ويكتب لك الي فيه الخير
الله يوفقك ويسعدك لاتغيرين رأيك ولاشيء ..ألف مبروك وبالتوفيق أن شاء الله..
أناهذا رأيي خلاص مقتنعه فيه مابي اتزوج كل يوم أدري عمري بيروح ومحد دري عني بكيفه أهم شيء ماأجرب يعني
يكفيني عشت سنه و3 شهور متزوجه بألاسم فقط وكأني مطلقة وكل زواجي عند أهلي الله يعين الله يعوض الكل ويوفقهم لكن أنا ماأبغى أفضل أكون وحيده..

مالقيت لي أسم للأسف
مشكوره ماقصرتي ردك رائع الله يسعدك ويوفقك ويخلي لك بنتك يمكن أنا لو وأعوذ بالله من كلمه لو حملت كان وضعي تحسن لكن ماصار الحمدلله على كل حال..
والزواج ماأبيه خليته لأهله أنا فاشله لو أني مو فاشله وغبيه كان الحين أنا بيتي ومبسوطه لكن ماأقول ألا حسبنا الله ونعم الوكيل..
الله يرزق كل البنات ويوفقهم لاتستعجلون يابنات بالزواج أهم شيء التوفيق

أستغفر الله العظيم الذي لا إله إلا هو الحي القيوم و أتوب إليه