معاناتي ابي شوركم يابنات الاجود

1. يسعدلي صباحكم يابنات ويجعل ايامكم كلها فرح وسرور بما يرضي الله


2. هذا اول مشاركه لي بلمنتدى واتمنى تسمعوني وتعطوني شوركم الله يخليكم

السلام عليكم ورحمة الله وبركاته

يسعدلي صباحكم يابنات ويجعل ايامكم كلها فرح وسرور بما يرضي الله

هذا اول مشاركه لي بلمنتدى واتمنى تسمعوني وتعطوني شوركم الله يخليكم

اولا انا قصتي تبداء من يوم كان عمري 24 تخرجت من الكليه وانخطبت من اخو صديقتي وافقت عليه بدون تردد بس للاسف يوم تزوجت لقيت انسان ثاني له كم شخصيه كان معه مرض انفصام بشخصيه اللهم عافنا ولا تبلانا ويرفع عنه يارب المهم وبعد شهرين من زواجي او ثلاث شهور تقريبا طلبت الطلاق بعد مازاد الامر واخر مره جاء من صلاة الجمعه وانا بغرفتي دخل علي وبداء يقول كلام مادري مافهمت معناه المهم بلحظه مسك التلفون الثابت وضربني فيه ليه مدري وانا ماتححملت طحت مغشي علي ماصحيت نفسي الا في المستشفى طبعا اشوف الرجال قدامي يبكي قلت في نفسي هذا الملامح ماشفتها يوم دخل علي في البيت متغير بديت اخاف منه وامور ثانيه خاصه بدت تبان عليه وبلاخير طلبت الطلاق والحمد الله اطلقت
سبحان الله ياعالم اول ماطلقت انفتحت لي ابواب رزق مو طبيعيه اتوظفت وتسهلت اموري بلاخير ولد عمي خطبني ولم يسبق له الزواج طبعا وافقت بحكم انه ولد عمي اكيد بيخاف علي مو مثل الغريب ايام الملكه عشتها كان اجمل ايام عمري ماتوقعت ان بعد هل الشي منتظرني اعظم بنات عمي فرحو فيني كثير وطبعا تزوجت وسكنت بيت عمي حسيت بنات عمي تغيرو علي خالتي مره طيبه وحبوبه بس للاسف شخصيته جدا ضعيفه مع بناتها كانت هذي الامور ماكانت مشكله بنسبه لي كان الاهم زوجي وخالتي والبنات بيجي نصيبهم ويفقهم الله المهم بديت استغرب ان زوجي ماسافر للمنطقه الي فيها عمله دائما اساله كل هذي اجازه قال ايه وبلاخير اكتشفت انه مفصول من عمله وبلاخير حاولت اني اغطي الموضوع عن اهلي بس للاسف بحكم المنطقه الي انا ساكنه فيها صغيره الناس كانو يعرفون من اقاربنا المهم كنت دائما احفزه بكلام الحلو ياحبيبي ياعمري ومن هل كلام اقوله روح دور على وضيفه لو 2000 ريال على اقل تعزك وتعزني كان بحرف الواحد يقولى انتي وش ناقصك منتي اكله وشاربه كنت انصدم من رده واقسم بلله يابنات وربي راح يحاسبني على كلامي اني ماعمري قلتله وديني ولا جيبني واشتريلي لاني كنت اقدر ضروفه وبلاول ولاخير انا حبيته علشان كذا صبرت سنه سنتين ثلاث بس للاسف زوجي مو حاس بلمسؤليه ماكان يبحث ولا يدور كان صبرت بس للاسف
قلت في نفسي ليه ماحمل علشان يبداء يقول في ارقبتي زوجه وطفل وكنت اقول حبيبي فكر لما يجينا طفل ويبي مصاريف كان يقول كل طفل ويجي رزقه معه رحت للدكتوره وكشفت قالت الدكتوره اني سليمه وهيئه انك تحملين بس زوجك لازم يحلل فرفض هل الشي قال الاطفال بيد الله قلت ونعم بلله بس حنا نشوف الاسباب ونعالجها وهل الشي عارفين انه بيد الله المهم بدت تسؤاء الامور لام اني تعبت ابي احس رجال مسؤال عني يهتم فيني مو طلعات من العصر للاستراحه مايجي الا 11 تعبت بعدها تكلمت بعدها قلت له منت ناوي تتغير وكلمتها في امور خاصه من ناحيته كان يقولي ماوعدك استغربت تفكيره ونظرتها للحياة الزوجيه وبعده طلبت الطلاق وطلقت مع العلم كان اصغر مني بسنتين وكم مره جرحني عن عمري فكنت اسكت ولا اتكلم في اشياء كثير بس كنت اسكت واحتسب الاجر من عند الله
والان انا عمري 34 ودي اتزوج وسبحان الله كلمتني وحده قبل شهر عن اخوها متزوج واكبر عياله عمره22 والرجل عمره47 وارسلت لي صوره له ولا حولا ولا قوة الا بلله ماتقولين على عمره المهم اهله راضين وزوجته بعد راضيه المهم راح يتقدم بس ايش المشكله ؟
انا اخر العنقود بين خواتي يوم فتحت الموضوع قدام خواتي وجس النبض قالت اختي كبير ومن هل كلام وانتي توك صغيره واخاف ارفض وانتظر الولد ولا مطلق علي قول اختي وبعدين اندم ابيكم تنصحوني تكفون من جد انا بحيره وطلبت الله واستخرته حسيت برتياح طبعا
بس مادري كيف اقول لاهلي ان البنت هذي كلمتني عن اخوها واخاف يرفضونه وش اقولهم علشان اقنعهم