معاناتي كل سمينة تكتب معاناتها والمضايقات التي تجدها من السمنة النحيفة

السلام عليكم ورحمة الله وبركاتة
يالله كل وحدة تكتب معاناتها
السمينة والنحيفة+الوزن
انا سمينة: الوزن : 92ك
معاناتي :الملابس مالقى بالسوق مرة طقم تيور انسو القى على قدي
ولما اقوم ياصعبها بس
ومن ناحية الشغل والتنظيف معاناة بسرعة اتعب بنص الشغل
ومن ناحية الطنازة القى الكثير من المضايقات واولهن حماتي
وبادية رقبتي تسمر من السمنة وهذا دليل للخبطة الهرمونات
وتشوفون كل ما استحم افرك من قلب عشان ماتصير سمرا
والحمل قالوا ماتحملين الا لما تنحفين
ولما اطلع لسوق صاحبين المحلات يقولون لي (تفضلي ياخاله ) ولما يقولونها احس الدنيا ماتشيلني (مومعناتها يارض انهدي ما عليكي قدي ) لالا معناتها ياارض انشقي وابلعي هالدبة بس ما اظن الارض تقدر تبلعني ههه
لا وبعد فية مشكلة من السمنة رجولي يعوروني مرة قالتلي الدكتورة عظمك مايتحمل هالوزن عشان كذا رجولك يعورونك
ولما اسافر لاهلي امي بس تقولي سوي ريجيم سوي رجيم
ولقيت حل :ان شاءالله انه يتيسر لي واسوية ويتم بخير وعافية اسوي عملية تكميم للمعدة يعني ان شاء اللة انحف
والحمد لله على كل حال
وكل وحدة تقرا معاناتي تدعيلي
(كسرت خاطركم )