معاناتي مع الدانه منسقة افراح بالمدينه واترك الحكم لكم

يابنات البارح كان زواج اخوي واتفقت مع وحده بالنت اسمها الدانه عن طريق الاخت احبك ياباسم ويمكن تكون هي ما اظلمها.والله يابنات انها سوتلي عينه من التوزيعات قبل الفرح وكانت مره حلوه وقالت لي ترى حسويلك احلى منها وهذي مجرد عينه وأوصلها لك للقاعه بعد العصر واتقفت معاها على شجره تتعلق فيها التوزيعات وريتها الشكل الي ابغاه عند محل وقالت حسويها لك احلى والفها بالتل وانزل لك منها سلاسل واشكال حلوه ووثقت فيها وقبل الفرح بثلاث ايام ماترد علي وقالت لي اختها انها بالمستشفى حزنت عليها ودعيت لها من كل قلبي وارسلت لي رساله انها راح توصلي التوزيعات والشجره مع صاحباتها وراح يسوولي الي ابغى بعد المغرب استنينا الى العشا ودخلوا معازيمنا واتصل عليها وتقلي جايين بالطريق وما جوا الا الساعه 11 وياليتها على كذا جابت شجره حديد ولا زينتها والله شكلها يفشل وحطوا فيها توزيعات مسويتها اي كلام وصلة تل وحاطه عليها سبحه رجاليه شكلها يفشل وكلمتني وحده ثانيه اقلها ليش ما زينتوا الشجره وسويتولي التوزيعات زي العينه الي شفتها قالت الشجره ما اتفقنا عليها وبعدين كلمت الدانه بالجوال وتقول احمدي ربك انا سويتلك وانا مريضه .وزودة على اتفاقنا خمسين ريال ومع كل الي سوته تقول والله لادعي عليك اذا ما جبتي الخمسين ..اعطيتها فلوسها وانا اقول حسبي الله ونعم الوكيل والله اني ما توقعت ان فيه ناس للدرجه هذي ما عندهم ضمير..هذي قصتي مع الدانه واترك الحكم لكم