مع موسم الزواجات ادخلي فيدي واستفيدي

اللون الاصفر والموديل الطبقات والشعر كيرلي

مشكوره يالملكه الله يجبر بخاطرك جبرتي بخاطري ورديتي
يابنات حرام عليكم ردو بس ارفعوا الموضوع
ماهقيتها منكم والله

فعلا زي ماقالت الملكة
واضيف لهم اللون النيلي والبنفسجي

حياكي قلبي
نورتي يالغاليه
صراحه توقعت تفاعل اكثر من كذا
الموضوع مفيد للجميع
مشكوره يالغاليه

هلا اختي مابغيت ادخل وماارد
بصراحه كلامك هو الصح
والالوان على ماقلتي اصفر بنفسجي
والشعر كيرلي
بس عندي اقتراح ترا الحين الاحظ بدو في الافوايت مع لون داخل معه الاحمر او غيره
وبصراحه دام اخوك هو اللي بيتزوج
انا من وجهة نظري تفصلي افوايت
سكري اغمق درجه فيه اللي يجي طافي لونه
وبالتوفيق

فعلا الدارج الحين الأصفر بدرجاته والنيلي وطبعا سيد الألوان الأسود.. بما انك اخت العريس لازم يكون شكلك مميز عن الباقي.. الله يوفق اخوك ويوفقك انتي

هلا خيتو
موضوعك كثير حلو
انا بصراحه شفت فساتين كثيرة هالصيفيه وبما اننا موسم زواجات
اكثر الالوان اللي شفتها هي الالوان الصارخه وهذا اليي احسه دارج زي الفوشي و الاصفر و البنفسجي و التفاحي وكذا
انا عني اموت في الفوشي
برضه الابيض حلو ودارج>>>>ودي اسوى واحد كذا مرتب
الاقمشه // هي الشيفونات وللفخامه احس الدانتيل اللي ماتبطل موضته
اما الشعر // التكسير هو الموجود اكثر شي
وتحياتي خيتو
واذا تذكرت شي ثاني ان شاء الله لي عوده

الموضة زي ماقلتي نفس الالوان وكمان الاقمشة الاسترتش الجاهزة وفي منها اقمشة بس مو حلوة لان الناس كلهم لابسين وصاروا اهل العريس يوزعون شوكولاتة من شوكولاين او باتشي وكمان يجيبون منظمة للحفل وللاطفال وعلى لطاولات للفرح عليها فازة عليها ريش نعام زي الديكور
وبس الله يتمم عليكم

دموع ناعمه
مشكوره اختي على مرورك
الافوايت فعلا لون له فخامته وجماله لاكن يظهر عيوب الجسم يعني اللي جسمها مليان ابدا مايناسبها وايضا الل لونها غامق صعب تلبسه
الون حلو ودخل من ضمن القائمه مشكوره يالغاليه
.TooTee..
الله يسعدك ويفرج همك على دعواتك يالغاليه مشكلة الاصفر والنيلي انتشر وكثير لبسوه من جماعتي
مااقدر اكرر وودي بالوان غير عن اللي لبسوها مشكوره يالغاليه عالرد
pure-girl
هلا فيك يالغاليه مااخفيكي انا افكر بالتفاحي والبنفسجي او الليلكي
او التفاحي والفوشي احسها حتى في الشدو هذه الالوان لها جمالها وشعري افكر اسوي له بلياج ثلاث الوان مشكوره يالغاليه على المرور
غرشوب2007
مشكوره يالغاليه وصدقيني ردك اسعدني مره
الله يسعد ويوفق ويفرج هم كل وحده تمر وترفع الموضوع او تساعدني
الله يبلغكم رمضان وانتم بصحه وعافيه امين يارب العالمين