مفاجئة العيد

كيفكم يا احلى فراشات تدرو انكم وحشتونى طول فترت العيد
وبمناسبة العيد احب اقولكم كل عام وانتم بالف والف خير وطبعاً بعد الزحمه ...
المهم جيت اليوم اقص عليكم موضوع رومنسي نوعاً ما صار معايا فى العيد
كان 3 يوم العيد بلتحديد
كان البيت عندنا مليان على الاخر ضيوف ومعايدين << وش فرقت هادى عن ديك
المهم وكنا مبسوطين وكان اليل باوله
وفجاه جانى تلفون من صاحب السمو (قصدى زوجى لاتورطونى )
وكان الصوت غير الصوت المعهود والكلام غير شئ شئ قلب الرجال رومنسي
انا عن نفسي ودى الحق الونسه الى عندنا وابغاه يخلص بسرعه ويقول مع السلامه
بس صارالمليح يسال انتى وش لابسه ؟؟
وكيف شعرك ؟؟
وريحة عطرك ؟؟؟
الحمد لله لمايكون الواحد فاضي محد يعبره !!
المهم
شويه واسمع الصاعقه !!
قال البسي عباتك انا بر استنى !!
واو تستنى !!!
فين؟؟
برا ..
وزى ما ربنا كتب رحت لبست العبايه وخرجت
انا احسب الموضوع اننا ندور بلسياره وارجع البيت اكمل الوناسه والرقص والسواليف الحلوه
اتارى الموضوع اكبر من كدى
صار المشوار يطول ويطول وانا اقول وين رايحين وهو يقول ليش ماتبغى تطلعى معايا؟؟؟ عاد انا انواع المجاملات واقول ماتاخرنا ؟؟
يقول ليش اش وراكى ؟؟
اقولكم رايق صاحب السمو اليوم
المهم وصلنا عند فند سنافى فى العزيزيه
ودخلنا المواقف وانا اقول اكيد يمزح !!
والله طلع الموضوع جد ومافى مزح
وحجز فى المطعم وتعشينا وكان عشا على كيف كيفك
بس علشان مالى مزاج كنت ابلع الاكل بلع وبس
وانا استنى ارجع البيت واقول ان شاء الله محد طلع منهم وكل شوى اشوف الساعه
وبعدالعشا طلعنا المصعد وقلت الحمد لله عاد دحين الساعه 2 بليل اكيد بنروح البيت
وعينك ماتشوف الا النور المصعد مانزل لالالالا طلع على فوق
عاد انا قلت على وين رايحين ؟؟
قال مفاجئه !!
وقتها سكت
وفتح الجناح وشئ شئ شموع وقميص نوم وهدايا وورد وغيره
قال وش رايك فى المفاجئه ؟؟؟
وطبعاً راحت جمعت العيد الى استناها من سنه لسنه والحمد لله
دخلت الحمام ماخليت دمعه وما نزلتها
وفى النهايه بسط نفسي بلغصب
وانتهت قصة رومنسية العيد ...