مكياج العيون الصغيرة

صدى الحرف

11-03-2022 - 09:09 am

أبغى تفيدوني ماهو المناسب للعيون الصغيرة( عاد مو صغيرة مرة بس أنها صغيرة ) المكياج المناسب الشدو وضع الكحل كيف يكون
يله ياأهل الخبرة واللي عيونهم صغيرة يفيدونا

التعليقات (7)

السنافية المتعالية

11-03-2022 - 01:09 pm

اهلا حبوبة
انتي قصدك ميك اب سهرة والا ميك اب نعوم
؟
انا بالنسبة لي الميك اب المعتاد اللي اسويه
هو اني اهتم برسم حاجبي واحط تحته اضاءه واضحة
عشان يلفت الانتباه لعيني ..
وبعدين احط ظل فاتح ... على الجفن المتحرك
وعلى كسرة العين احط لون غامق ..
مثلا لو الظل الفاتح بيج .. احط بني
وابدا ادمج بين الظل الفاتح والظل الغامق والاضاءة للحاجب
وبعدين احط كحل من فوق على حد الرموش وامد له ( بوز ) من قدام <<< وصف محترف ههه
إلين نهايته .. كانه ميك اب تشولا او المسحوب
يعني ميك اب الcat eye
ومن تحت ما احط شي
حتى مسكرة من تحت ما احط
بس من فوق عشان توسع عيني
اما اذا حطيتي ... من تحت كحل وعفسة واغلقتي العين .. ترى يبين حدود عينك
صراحة اتمنى افدتك ...
خ
بس هذا الوصف اللي اقدر عليه

صدى الحرف

11-03-2022 - 02:10 pm

شكرا لك وما قصرتي الله يعطيك العافية

صدى الحرف

11-03-2022 - 03:11 pm

السنافية المتعالية
شكرا لك جزيلا أنا تقريبا اسوي كذا في مكياجي بس ودي أسألك هل تحطين كحل داخلي عشان يعطي إتساع للعين وش رأيك يالسنافسة ؟

دلـوعـه اخـوهــاا

11-03-2022 - 04:12 pm

مشكوره السنافيه على هالمعلومات

السنافية المتعالية

11-03-2022 - 05:13 pm

السلام عليكم
ايوه احط كحل من داخل ...
واذا وصلت لنهاية العين اغمق .. واطلعه برا شوي
على خفيف
عشان يبين .. انه بداية رسمة العين مسكرة ولها بوز والنهاية خطة الكحل العريضة شوي .. بالطريقة الفرعونية ...
والخط الداكن الخفيف من تحت اللي باين عالطرف بس
واحط اضاءه من تحت على منطقة الهالات .. عشان ايضا تلفت الانتباه للعين .. وبعدين البلاشر عالخدود .. واحط حمرة matt يعني ما اكثر لمعة عشان تكون عيوني هي اللي طاغية .. فتعطين ايحاء ان عيونك .. واسعة لانها بتكون اقوى عنصر في وجهك بارز <<< يا ويلي قلبتها فلسفة ههه
طبعا لازم موازنة بملامح الوجه
ادري انه وصفي منتهى التوحفة ههه
انا عيني وسط .. بس من اسوي هالميك اب .. بجد ما شاء الله تصير وسيعة ولها نظرة وتلفت الانتباه ..
وعموما اي مساعدة او اي ملحوظة ما عندي مانع

صدى الحرف

11-03-2022 - 06:14 pm

شكرا لك يالسنافية
تعبتك معي الله يعطيك العافية

Aum Dana

11-03-2022 - 07:15 pm

حطي كحل أبيض داخل العين وبعدين حطي الكحل الأسود خارج العين.

كحلى يسيح وابى حل←
لتصبحين اجمل عند التقاط الصور→