ممكن الشخص اللي تفقدينه يرجع لج

حبيبتي الدعآء يرد القضاء
مالك الا تدعين وانتي متاكده ان سؤال مجآب
والله الذي لآ إله الا هو
مايردك خآئبه
ماتدرين يمكن ربي يربط العائلتين في مناسبه او موقف ويكونون اكثر اكثر اكثر من الاحباب والاخوآن
وبإذن الله يكون من نصيبك
ياقلبي انا انخطبت وسويت التحليل السنه اللي راحت
وتعسر الموضوع الى يوومك الى يومك توقف
بسبب اهله او حتى بسببه ما ادري ربي اعلم
لكن املي بالله كبير
كبير مرره وهو الى الان ماسمعت انه خطب او ملك
يعني لآتيأسين
ابدأ لا تيأسين
الله يحقق اللي ببالك
اللهم ياحق ياحق ياحق قُل لأمنياتها كوني
دعواتك لي بس امسح دموع ضيقه داخلي
ادعي ان الله يجمعني بزوجي عاجل غير اجل
وان الله يغنيني بحلاله عن حرامه

يا قلبي عندي لك دقاقه ابداع وتقوم الفرح ما شاء الله وغير كذا صوتها روعه وموال جنان
اسمها نهى ...أم راما
سعرها 6 او 6ونص
8221882
0503321874
والله يا قلبي ما راح تندمين
ولا تحرمينا من دعواتك يا الغلا

يوه خطا مطبعي
ياليت تحذو الرد

8
8
8
ههه ضحكت على ردك يافجر
تقدرين تعدلين الرد ههه

T o F e E
توتو كلامج ثلج عالصدر يبرد الخاطري
ويارب الله بيجمعج بريلج قريب يارب
انتي تستاهلين الخير صدقيني توفي
والله اللي بياخذج ما بيندم انه خذج بالعكس بيحطج بعيونه لنه وين بيحصل وحده شراتج
صدقيني الله بيسعدج قريب
فجر ههه ظحكتيني بس يلا فال خير يارب

انا بنت خالتي كانت سالفتها سالفه
كانت تحب واحد ولكن هو بدوي واهي حضريه
وفوق كل هذا اهله مايرضون يزوجون عيالهم الا من نفس القبيله
يعني سالفه معقده
تخيلي من يوم هي بالثانويه الى ان صار عمرها 28 واهم يخطب فيها مسكين
ابوه رافض وابوها رافض
الولد يوم شوف الابو رافض راح هو بنفسه كلم ابوها وطبعا ابوها رفض لسببين الاول لانه مو حضري والثاني لانه اهله رافضين
والله ان طول هالسنين ماكو غير انه كل واحد يقنع اهل الثاني
لين تزوجت والحين عندها بنت الله يتمم عليهم يارب
ويرزقج بالزوج الصالح
ولا تنسين الاكثار من الدعاء والاستغفار

بالدعاء و الأستغفار الله لم شمل كل من بعدو عن بعض
يارب يا واحد يا أحد يا فرد يا صمد يفرج همك و يلم شملك بمن تحبين

ياقلبي كل شيء بالدعاء يصير
ولو انتي بول الارض وهو باخرها بيجمع ربي بينكم بسبب الدعاء والاهم يكون مناسب لك وشاريك
الله يجمع بينكم ويفرح قلبك عاجلا غير اجل انه ولي ذلك والقادر عليه

وهجووه فديتج بس
الله يصلح قلبك ويربط عليه قولي امين بس
اللحين انتي مضيقه صدرك عشان ريال
لالا مو هذا العشم
اللحين نسيتي الايه الكريمه
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
}.
ليش يالغاليه كذا انتي توكلي على الله وان كانك لك نصيب بتاخذينه وبيجمع الله شملكم لو حتى هاجرتي من الامارات وجيتوا للسعودية وصرتوا جيرانا
طيب سؤال انتي اللحين تضايقتي وزعلت وبكيتي واحتريتي بس غير الي الله كاتبه ماراح يصير صاح والا لاا
طيب ليش تقعدين تشغلين بالك وتهلوسين با ابو الشباب يختي الزم ماعليك صحتك جعلك بالجنة
شوفي انتي ادعي ربك ان يرزقك الزوج الصالح التقي النقي الي يسعدك بالدنيا والاخره وتوكلي على ربك وهو بيرزقك بعلمه وقدرته بالي يناسبك سواء كان الي بيغيتيه او واحد ثاني
{فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا}
.
شفتي خيرا كثيرا مو بس خير لا خيرا كثيرا يالله ما اكرمك وما احوجنا اليك
بعض الامور يالغاليه تكون خيرا من الظاهر ولكن هي عكس ذلك
ليش انتي تسبقين الاحداث يالغاليه
انتي ادعي ربك واتركي الباقي على الله
والخيره فيما اختاره الله
وهج الي على طاري العرس اقول ماتعرفين واحد اماراتي شراتتج عزوبي
ترى انا وحده من قرايبي قررنا نسافر للامارات وندور لنا معرس نتقاط فيه
يالله يالغاليه فوتك بعافيه وتعوذي من ابليس بس
وريحي مخك وملائكتك من التفكير والهواجيس بفارس احلامك