ممكن تساعدوني في مشاكل شعري

السلام عليكم ورحمة الله وبركاته
شلونكم الغاليات أنشالله طيبين
بدخل في الموضوع على طول المشكله ياطويلين العمر أن شعري فيه عدة مشاكل
1- متقصف من كثر الأستشوار والصبغ تخيلوا بعد كل حمام استشوره
2-فاقد للحيويه تدرون انه يتحرك بثقل أحس انه ميت مافي حياة
3- باهت وفاقد اللمعان الطبيعي
4- قليل النمو يعني ماينمو بسرعه ونموه بطئ وأنا حابه اخليه طويل مره
وهذي هي المشاكل ياليت الي عندها حل تساعدني وتنجدني لأني مره متظايقه
بس لاحد يقولي لا تستشورين شعرك لأني ما أحب اشوف شعري مو مرتب أو فيه كسره والي عندها خلطه تخلينا نتخلص من الستشوار الله يعطيها العافيه ويعطيها مرادها وحوايجها
ولا حد يقولي لاتصبغين شعرك زوجي يموت في الصبغ لدرجه انه كل ست اشهر يقولي صبغي شعرك
أما طريقه عنايتي بشعري اسويله حمام زيت في البيت كل اسبوع هذا حمام زيت الجاهز اسمه دابر فاتيكا
وأستخدم شامبو بانتين شامبو +بلسم انسيابي وحريري فقط
اذا ممكن تساعدوني أكون شاكره لكم وبدعيلها من كل قلبي بس ياليت ماتكون مكوناتها صعبه أو تكون موجوده عند العطار لأنه ما أحد فاضي يوديني ويجيبني الكل لاهي يأشغاله ياليت تكون المكونات متوفره بالبيت أذا ماعليكم كلافه ولا أمر
وأذا كان في مجموعة مستحضرات في لصيدليه أو بالسوبر ماركت أكون شاكره لكم وجميلكم على راسي
وشكرا لكم و أسفه على الأطاله وكثر الهرج