ممكن نصائحكم رجاءا

1. السلام عليكم اخواتي


2. عندي مشكله وحبيت افتح قلبي و احكيلكم واستفاد من نصائحكم

السلام عليكم اخواتي

عندي مشكله وحبيت افتح قلبي و احكيلكم واستفاد من نصائحكم

انا مخطوبه يعني مكتوب كتابي من شي سنتين وللحين ما تم الزواج لظروف معينه. بس صارتلي خلال هلسنتين مشاكل معاه الها بدايه و ما الها نهايه و كل ما بنطلع من مشكله نوقع بلاتعس منها و مشاكلنا تافهه ما الها اي شي يتعلق بلحياه الزوجيه. هو طبعو صعب كتير و صعب اقناعو. بلبدايه كان متل العسل و مافي منو بس بعدين تغير كتير. اكتر شي عمل مشاكل هو البعد لاني انا ببلد و هو ببلد تاني و بنشوف بعض بس مرتين بلسنه. زمان كان يعصب بس. لكن الحين عصبيه و اهانات وشتايم وما في حدا بعينو ولا بيخجل ولما الاهل يدخلو يكون غير انسان واحسن واحد حتى اهلي صارو يحطو السبب فيي انا.
اول شي حابه اعرفو من الناحيه الشرعيه. الي شهرين ما سالت في ولا هو حاول شي ولا حدا حكى شي. يعني شرعا لما يكون في عقد قران، بيبطل العقد لان هو تاركني طول هلفترا ولا بس يكون بحاله متزوجني و يهجرني بوقتا بيبطل ؟ والله حيرانه و نفسيتي كتير متحطمه. كم مره هددتو اني اتركو بس ما فاد ايا شي. مشاكل عم بتزيد و انا مرتبطه بدراسه هون و هو لحد هلا ما عملي بيت زوجيه او شي مكان نستقر في ولا فيو يجي عل بلد الي انا عايشه في. هو طيب و خلوق و بيغار كتير يعني خنقه و بينلي حبو وبعرف بيحبني كتير بس مابشوف منو تمسك في اي مشكله تصير وازا راضاني فبيكون حدا من اهلو دفعو عليي وخلاه يكلمني. مشكلتي معو هل اهانات و ترجيتو كتير يتفاهم و ما يهيني بس مو جايب نتيجه كل مره بتزيد و هو بنفسو يقلي انا بكره حالي لما هينك. تعبت منو كتير وما الي نفس بهلزواج كلو و كسر فيي اشيا كتير بداخلي و لانو هو عنيد كتير ولو هو غلطان بدو انا يللي براضيه و عملت هل شي مئات المرات و كل مره كان يخليني اندم لاني راضيتو. هلا انا تركتو صرلي شهرين لاني مليت. حتى اهلو محدا كلف نفسو و حاكاني يعني عم حس انو هنن كمان مش متمسكين فيي وانا عمري ما صار معن ايا مشكله و كانو يدخلو و يحلو مشاكلنا بس هلا اهلي و اهلو ملو كتير و تركونا.
شو بعمل اتركو و اترك هلزواج كلو؟ لانو كمان خايفه من المستقبل معو والله لما بنكون ببيت واحد ما بعرف شو بدو يعمل فيي لانو زمان كنت اصبر و قول البعد عمل هيك بس اخر مره شفتو فيها ثبتلي انو لما نكون مع بعض مشاكلنا بتكون اسواء و اكبر والسبب كلو هو انا والله ما بتمني غير رضاه وكلشي كان يطلبوو مني اعملو.
ساعدوني ولاقولي حل بترجاكوم